UEFA Avropa Liqasının ilk həftəsində "Beşiktaş"ı qəbul edəcək "Ayaks"ın baş məşqçisi Françesko Farioli bu mövsüm qara-ağlıların çox yaxşı çıxış etdiyini bildirib və matçın çətin keçəcəyini qeyd edib.
Bizimyol.info "beinsports"a istinadən xəbər verir ki, "Qırmızı-ağlılar"ın italiyalı çalışdırıcısı və ingilis futbolçusu Cordan Henderson "Johan Cruijff Arena"da keçirilən mətbuat konfransında açıqlama verib.
Farioli Beşiktaşın mövsümə çox yaxşı başladığını bildirib: "Beşiktaş bu mövsüm çox fərqlidir. Onun yeni oyunçuları var. Həmişə qələbəyə köklənmiş klubdur. Böyük bir tarixi var. Onların Rafa Silva və Əl Musrati kimi çox təhlükəli oyunçuları var. Ən yüksək səviyyədə mübarizə aparacağıq. Çətin matç olacaq. Azarkeşlərimizin meydanda istədiklərini görmələrini təmin edəcəyik", - deyib.
Qara-ağlı komandadan qorxmadıqlarını vurğulayan Françesko Farioli: "Onlardan qorxmamalıyıq. Biz rəğbətlə olmalıyıq. Qorxmaq lazım deyil, çünki o zaman özünüzü bloklayacaqsınız. Həmişə təzyiq var və bu adrenalin aktivləşir. Bu gözəl hissdir", - deyib.
Hollandiyalı həmkarı Covanni van Bronkhorstun Beşiktaşda yaxşı iş gördüyünü bildirən italyan məşqçi: "Onu gördüyü işlərə görə təbrik edirəm. Onlar "Qalatasaray"ı 5:0 hesabı ilə məğlub edərək Superkuboku qazanıblar. Liqada da yaxşı nəticələr əldə etdilər. Oyunlarını çox dəyişdilər. Bu, klubun qanındadır var", - deyə qeyd edib.
Farioli UEFA Avropa Liqasının yeni formatı ilə bağlı fikirlərini də bölüşüb: "Hər kəs yeni formatı kəşf etməyə çalışır. Hazırda hesablamaq çox çətindir. Biz hər matça final oyunu kimi baxıb, ondan ən yaxşısını almalıyıq", - deyib.
"Ayaks"ın ingilis futbolçusu Cordan Henderson "Beşiktaş"ın çox güclü komanda olduğunu və vacib yoxlama oyunu keçirəcəklərini qeyd edib.
UEFA Avropa Liqasının bu gün keçiriləcək oyunlar və başlama saatları:
20.45 "Fənərbaxça" (Türkiyə) - "Union Saint-Gilloise" (Belçika)
20.45 "Malmö" (İsveç) - "Reyncers" (Şotlandiya)
23.00 "FCSB" (Rumıniya) - "RFS" (Latviya)
23.00 "Ayaks" (Hollandiya) - "Beşiktaş" (Türkiyə)
23.00 "Braqa" (Portuqaliya) - "Maccabi Tel Aviv" (İsrail)
23.00 "Roma" (İtaliya) - "Atletik Bilbao" (İspaniya)
23.00 "Olimpik Lion" (Fransa) - "Olimpiakos" (Yunanıstan)
23.00 "Tottenhem" (İngiltərə) - "Qarabağ" (Azərbaycan)
23.00 "Ayntraxt Frankfurt" (Almaniya) - "Viktoriya Plzen" (Çexiya)
Qadir, Bizimyol.info
