ABŞ Müdafiə Nazirliyi tərəfindən 10 sentyabr 2024-cü il tarixində Cənubi Kipr Rum Administrasiyası (CKRA) ilə Amerika Birləşmiş Ştatları arasında ikitərəfli müdafiə əməkdaşlığına əsaslanan yol xəritəsinin imzalandığı açıqlandı.

Bizimyol.info xəbər verir ki, Şimaki Kipr Türk Respublikası tərəfindən verlən məlumatda bildirilir ki, ABŞ-ın son zamanlar Yunanıstan tərəfinə verdiyi artan dəstəyin ən son nümunəsi olan bu saziş iki tərəf arasında əsas təhlükəsizlik problemləri ilə bağlı edilə biləcək əməkdaşlıq elementlərini əhatə edir.

"Sözügedən yol xəritəsinin ən diqqətçəkən elementi hər iki tərəfin hərbi qüvvələri arasında qarşılıqlı fəaliyyətin artmasıdır.

ABŞ Hərbi Dəniz Qüvvələrinə məxsus döyüş gəmilərinin Cənubi Kipr Rum Administrasiyasına "liman ziyarətləri" iki tərəf arasında "strateji tərəfdaşlığı" daha da inkişaf etdirmək üçün atılan addım

və ABŞ-ın Cənubi Kipr Rum Administrasiyasına tətbiq etdiyi silah embarqosunu hər il ləğv etmək qərarını yeniləməsi ABŞ-ın xüsusilə son vaxtlar Yunan tərəfinə verdiyi qərəzli dəstəyin konkret göstəriciləridir. Bu təhlükəli dəstəyin xüsusilə Kiprin yerləşdiyi Şərqi Aralıq dənizi bölgəsində bütün tarazlıqları pozmaq bahasına başa gələ biləcəyi təhlükələri dəfələrlə nümayiş etdirmişik. ABŞ bütün riskləri götürərək Yunanıstan tərəfinə qərəzli dəstəyini davam etdirməyə üstünlük verir.

Hazırda Kipr məsələsində aydın tərəf kimi gördüyümüz ABŞ-ı sağlam düşüncə ilə hərəkət etməyə çağırırıq; Onu bölgədəki incə tarazlıqları dəyişmək səylərinə son qoymağa və Kiprə qarşı qərəzli münasibətinə son qoymağa dəvət edirik.

Bütün bu hadisələr qarşısında Kipr türk xalqına qarşı yarana biləcək hər hansı təhlükəyə qarşı hər zaman hazır olduğumuzu və Ana Vətən Türkiyə ilə birlikdə lazımi addımları atmaq haqqımızı özümüzdə saxladığımızı bildirmək istərdik", - deyə məlumatda qeyd edilir.