Müxtəlif kiberhücumların məqsədinin casusluq və təxribat olduğunu vurğulayan CSIA təhlükəsizlik tədbirlərinin artırılması lazım olduğunu açıqlayıb. Almaniya xəbərdarlıq edib ki, Rusiya hərbi kəşfiyyatı ilə əlaqəli hakerlər Avropa Birliyi ölkələrinə və NATO obyektlərinə kiberhücumlar planlaşdırırlar.

Bizimyol.info xəbər verir ki, bu barədə Almaniya Konstitusiyasının Müdafiəsi Federal İdarəsi sosial media platformasında yazıb

Almaniyanın “Die Zeit” qəzetində yer alan xəbərə görə, Konstitusiyanın Müdafiəsi üzrə Federal Bürosunun ABŞ təhlükəsizlik orqanları ilə əməkdaşlıq edərək Rusiyanın dünya üzrə kiber fəaliyyətləri haqqında məlumat verdiyi bildirilib.

Kibertəhlükəsizlik və İnfrastruktur Təhlükəsizliyi Agentliyinin (CSIA) postunda Rusiya hərbi kəşfiyyat xidmətinin ən azı dörd ildir müxtəlif kiberhücumlara görə məsuliyyət daşıdığı vurğulanıb.

“Bu hücumların məqsədləri casusluq, təxribat və reputasiyaya zərbə vurmaqdır”,- deyə CSIA öz bəyanatında Rusiya hərbi kəşfiyyatının (QRU) 29155 bölməsinin xüsusilə təxribat və sui-qəsdlərlə tanındığını və 2018-ci ildə Sergey Skripala qarşı zəhərli hücuma görə məsuliyyət daşıdığını qeyd edib.

Mümkün kiberhücumların qarşısını almaq üçün şirkətlərə sistemlərini yeniləmək və məlum təhlükəsizlik boşluqlarını bağlamaq tövsiyə olunub.

Almaniya Silahlı Qüvvələri kazarmalar üçün təhlükəsizlik tədbirlərini artırıb. Köln-Van Hərbi Hava Qüvvələrinin kazarmasında santexnika ilə bağlı təhlükəsizlik hadisəsi və Axen yaxınlığındakı Geilenkirchendəki NATO bazasında şübhəli görüntülər baş verib.

Xəbərdə həmçinin qeyd olunub ki, “xarici kəşfiyyat xidmətindən “Rusiyanın PUA-lardan istifadə edərək NATO bazasına qarşı mümkün təxribat aksiyasına hazırlaşdığına” dair ciddi məlumatlar əldə edilib”.

Qadir, Bizimyol.info