Çimərlikləri, yamyaşıl meşələri və tarixi gözəllikləri ilə dünyanın ən çox ziyarət edilən şəhərlərindən biri olan Antalya, əksər hissəsi quru yolu ilə əlçatmaz olan əl dəyməmiş körfəzləri ilə də səyahət edənləri cəlb edir.

Bizimyol.info "AA"ya istinadən Türk Riviera Antalya, Qazipaşadan Kaşa qədər uzanan 647 kilometrlik sahil zolağı boyunca krujeva kimi toxunmuş toxunulmaz körfəzləri ilə ziyarətçilərinə unudulmaz bir tətil vəd edir.

Əksəriyyəti quru nəqliyyatı olmayan körfəzlərə qayıqla “mavi səyahət”lə gələn turistlər Aralıq dənizinin sonsuz mənzərəsinə heyran qalırlar.

İstirahət edənlər körfəzlərə qədər uzanan dağlarda yamyaşıl meşələri seyr edərkən dənizdə çimməkdən həzz alırlar. Təmiz firuzəyi suları ilə diqqət çəkən körfəzlər ziyarətçilərin bayram proqramlarının ən mühüm marşrutlarını təşkil edir.

Şəhərin qərbini əhatə edən “İşıqlar ölkəsi” olaraq bilinən Likya Birliyinin və şərq rayonlarını əhatə edən Pamfiliya sivilizasiyasının izlərinin qaldığı körfəzlərdə bu günə qədər gəlib çatan tarixi xarabalıqlar, istirahət edənləri keçmişə səyahətə aparır.

Turistlər həmçinin körfəzlərdə nəsli kəsilməkdə olan Aralıq dənizi rahib suitilərini, caretta carettaları və qrupları görmək şansına sahib ola bilərlər. Səyahət edənlər körfəzlərə dalaraq sualtı və rəngarəng balıqların bənzərsiz gözəlliyini seyr edirlər.

Antalya Tanıtma Vəqfinin prezidenti Yeliz Gül Ege "AA"ya bildirib ki, Antalya mavi ilə yaşılın qovuşduğu, 1500 metr yüksəkliklərə qısa zamanda çatmaq mümkün olan bir şəhərdir.

Antalyanın dağların və yamyaşıl meşələrin dənizlə qovuşduğu körfəzlərə sahib olduğunu bildirən Ege: “Yamyaşıl meşələr arasında olduğu üçün başqa ölkələrdə hər yerdə rasrlaşmayacağınız körfəzlərimiz var. Tanınmış körfəzlər çox olsa da, fəyahətə çox açıq olan və dəniz yolu ilə gedə bilən naməlum körfəzlərimiz əsl təbiət möcüzəsidir. Likiya yolu ilə piyada getmək mümkün olan körfəzlərimiz turistlərin böyük marağına səbəb olur”, - deyib.

Körfəzlərin də zəngin sualtı gözəlliklərə sahib olduğuna diqqət çəkən Ege: “İstirahətə gələnlər bu körfəzlərdə sörfinq kimi su idman növləri ilə məşğul ola bilərlər. Antalyanın tanıtımında ən çox istifadə etdiyimiz dənizin fərqli bir tərəfini izah etmək və bu körfəzləri tanıtım arqumenti kimi istifadə etmək yerinə düşərdi. İndi, pandemiyadan sonra insanlar daha çox tək qalmaq və tək vaxt keçirə biləcəkləri mühitlərə üstünlük verirlər. Antalyanın quru yolu ilə gedə bilməyən körfəzləri, istirahət edənlərə tam olaraq insanların istədiyi sakitliyi təqdim edir”, - deyə söyləyib.

Yeliz Gül Ege toxunulmamış körfəzlərə gedən turistləri ayaq izlərindən başqa heç nə buraxmaması lazım olduğuna diqqət çəkib. Ege Antalyanın bəzi körfəzlərinin tarixlə iç-içə olduğunu vurğulayıb: “Biz mavi və yaşıldan danışırıq, lakin ən çox diqqət çəkən tarixi xarabalıqlardır. Olimpos, Kekova və Faselis kimi bölgələrin tarixlə əhatə olunmuş körfəzlərində insanlar üzə bilər” - deyib.

Qadir, Bizimyol.info