Futbol formalarında “0” rəqəminin olmamasının səbəbini öyrənmək üçün əvvəlcə qısa bir tarixi səyahətə çıxacağıq, sonra marşrutumuzu mədəniyyətə çevirəcəyik və sonda müstəsna halları izah edəcəyik.

Bizimyol.info "webtekno"ya istinadən xəbər verir ki, ilk dəfə 1928-ci ildə istifadə edilən forma nömrələrində “0” rəqəmini demək olar ki, heç vaxt görmürük. Eyni şey 100 nömrəsinə də aiddir, lakin bu, başqa bir məqalənin mövzusudur.

Doğrudan da, bəzi müstəsna hallar istisna olmaqla, niyə futbol formalarında “0” rəqəmi yoxdur? Məntiqli tapacağınız səbəbləri və müstəsna halları izah edək!

“Belə olub, belə də gedir...” faktoru var

1928-ci ildə ilk dəfə forma nömrələri oyunçuların mövqelərini göstərmək üçün istifadə olunmağa başlayıb. 2 və 3 nömrəli müdafiəçilər; 4, 5 və 6 nömrəli yarımmüdafiəçilər; 7, 8, 9, 10 və 11 nömrəli hücumçular; Qapıçılar 1 nömrə geyiniblər.

Vaxt keçdikcə bu nömrələr standartlaşdırılıb və “0” rəqəmi üçün xüsusi vəzifə və iş təsviri olmadığı üçün heç vaxt istifadə edilməyib. Təbii ki, bəzi istisnalar var idi, bir azdan onlar haqqında danışacağıq.

Mədəni və psixoloji amillərin də rolu var

Bir çox mədəniyyət və idmanda “0” rəqəmi dəyərsizlik və ya heçlik ilə əlaqələndirilir. Ümumiyyətlə pis məna daşıyır.

Ona görə də futbolçu “0” nömrəli formanı geyinirsə, bu, mənfi rəy yarada bilər. Fikirləşin, futbolçunun forması üzərində “0” rəqəmini görmək həqiqətən mənfiliyi ifadə edə bilər, elə deyilmi?

Təbii ki, istisnalar var

1999-2002-ci illər arasında Şotlandiyanın Aberdin komandasının “0” nömrəli formasını geyinən Hicham Zerouali, "Zero" ləqəbindən ilhamlansa da, sonradan Şotlandiya rəsmiləri “0” rəqəminin istifadəsini qadağan edib.

Yapon futbolunda bəzi oyunçular da “0” nömrəli forma geyinirdilər. Bundan əlavə, sərgi matçları kimi xüsusi vəziyyətlərdə “0” nömrəli formanı görmək mümkündür. Amma təbii ki, bu kimi hallar ümumi praktika deyil.

Qadir, Bizimyol.info