AFAD Türkiyə Fəlakətlərə Müdaxilə Planı  çərçivəsində ikinci əl geyimləri qəbul etmədiyini açıqlayıb.

Ankara, İstanbul, Bolu, Manisa kimi şəhərlərdə valiliklər və bələdiyyələr tərəfindən keçirilən kampaniyalarda ikinci əl geyimlər qəbul edilmir.

Bizimyol.info teyit.org-a istinadla xəbər verir ki, çünki bələdiyyələr yardım kampaniyalarını AFAD ilə koordinasiyalı şəkildə həyata keçirirlər.

Türkiyə Qızıl Aypara Cəmiyyətinin sədri Kerem Kınık da 6 fevral 2023-cü ildə CNN Türk-də qatıldığı canlı yayımda fəlakət bölgəsinə göndəriləcək məhsulların ikinci əl və ya istifadə edilməməsi lazım olduğunu vurğulayıb.

O, bildirib  ki,  2011-ci ildə Vanda baş verən zəlzələdə ikinci əl paltar yardımı qəbul edilməmişdi.

Fəlakət bölgələrində ikinci əl paltar yardımının qəbul edilməməsinin əsas səbəbi epidemik xəstəliklərdir.

Bütün təbii fəlakətlərdən, o cümlədən zəlzələlərdən sonra fəlakət zonalarında epidemik xəstəliklərin riski artır. Məsələn, 2011-ci ildə Vanda baş verən zəlzələdə su ilə keçən yoluxucu xəstəliklərin artması müşahidə olunub.

Su ilə bulaşan yoluxucu xəstəliklərdən başqa, ikinci əl və işlənmiş geyimlər fiziki olaraq istifadə oluna bilər və təmiz olsa belə, qaşınma və göbələk kimi bir çox epidemiyaların yayılması riskini artıra bilər.

Bunun qarşısını almaq üçün yardım bölgələrinə çatdırılan ikinci əl paltarlar ehtiyacı olanlara çatdırılmazdan əvvəl dezinfeksiya edilməlidir. Lakin böhran dövründə dezinfeksiya prosesini koordinasiya etmək çox çətindir.

Digər səbəb isə ikinci əl paltarları təsnif etməyin çətin olmasıdır. Zəlzələ kimi fövqəladə vəziyyətdə, istifadəyə yararlı və təmiz paltarları istifadə oluna bilməyənlərdən ayırmaq böyük işçi qüvvəsi və vaxt tələb edir.

İkinci əl paltar yardımı əvəzinə bölgədə yardım toplayan yerli icra qurumlarının  və yardım təşkilatlarının ehtiyacları dəstəklənə bilər. Bundan əlavə, etibarlı qurum və təşkilatlara nağd pul yardımı etmək mümkündür.

İlahin, Biziyol.info