ABŞ Prezidenti Donald Trampın bəyanatları fonunda Türkiyədə keçirilən NATO sammitinin mübahisəli yekunlaşması alyansın birliyinin reallıqda deyil, yalnız kağız üzərində mövcud olduğunu göstərir.

Bizimyol.info xəbər verir ki, bu fikri Kanadanın CBC telekanalının analitiki Mürrey Brüster səsləndirib.

Onun sözlərinə görə, bəzi liderlərin və müşahidəçilərin narahatlıqlarına baxmayaraq, sammit qalmaqalsız başa çatıb. Lakin liderlərin görüşündən sonra ümumi atmosferdə hiss olunan təmkinli narazılıq diqqətdən yayınmayıb. “Liderlər Türkiyəyə sammitin təşkilinə görə təşəkkür etdilər və yenidən görüşəcəklərini bildirdilər. Ancaq bunun nə vaxt baş verəcəyini açıqlamadılar”, – deyə ekspert qeyd edib.

Brüster vurğulayıb ki, növbəti NATO sammitinin vaxtı ilə bağlı konkret planların açıqlanmaması Avropa və diplomatik dairələrdə belə qiymətləndirilir ki, alyans ölkələrinin liderləri Trampın davamlı tənqidlərindən yorulublar. Buna görə də sammitlərin yenidən bir neçə ildən bir keçirilməsi praktikasına qayıdılması mümkün hesab olunur.

Analitik əlavə edib ki, bəzi məlumatlara əsasən, növbəti NATO sammitinin qeyri-müəyyən müddətə təxirə salınması ideyası da fəal şəkildə müzakirə olunub.

Brüsterin sözlərinə görə, Tramp NATO üzvlərinin həmrəyliyindən danışsa da, bir daha müttəfiqləri alyansın müdafiəsinə kifayət qədər vəsait ayırmamaqda, həmçinin İranla qarşıdurmada ABŞ-yə dəstək göstərmək istəməməkdə ittiham edib.

Xatırladaq ki, NATO sammiti iyulun 7–8-də Ankarada keçirilib.

Bizimyol.info