Lionel Messi 2026-cı il futbol üzrə dünya çempionatının qrup mərhələsində Əlcəzair milli futbol komandası ilə oyunda üç qol vuraraq dünya çempionatları tarixində ən yaxşı bombardirlər siyahısında birinci yerə yüksəlib.

Bizimyol.info xəbər verir ki, qarşılaşma ABŞ-ın Missuri ştatının Kanzas-Siti şəhərində keçirilib.

Messi oyunun 17-ci, 60-cı və 76-cı dəqiqələrində fərqlənib. Bu qollarla onun dünya çempionatlarındakı ümumi sayı 16-ya çatıb. O, bu göstərici ilə Almaniyanın keçmiş hücumçusu Miroslav Klose ilə eyni nəticəyə yüksəlib.

Daha əvvəl Messi dünya çempionatlarında altı dəfə iştirak edən ilk futbolçu kimi tarixə düşmüşdü. 38 yaşlı hücumçu 2023-cü ildən ABŞ-ın MLS liqasında “İnter Mayami” klubunda çıxış edir. O, bundan əvvəl İspaniyanın “Barselona” və Fransanın PSJ klublarında oynayıb və “Barselona” ilə Çempionlar Liqası da daxil olmaqla bir çox titullar qazanıb.

Argentina milli futbol komandası ilə Messi 2022-ci ildə dünya çempionu olub, 2014-cü ildə isə turnirin gümüş medalını qazanıb. O, həmçinin Amerika Kubokunun qalibi də olub.

Bizimyol.info