Böyük Britaniyanın Səhiyyə naziri Üez Striting bildirib ki, o, Baş nazir Kir Starmerə olan etimadını itirdiyi üçün vəzifəsindən istefa verib.

Bizimyol.info xəbər verir ki, Stritingin bu barədə Baş nazir və hakim Əməkçi Partiyasının lideri Starmerə yazdığı məktubda qeyd edib.

"Bu həftə əvvəlki söhbətimizdən məlum olduğu kimi, rəhbərliyinizə etimadımı itirdiyim üçün başqa cür hərəkət etmək mənim üçün həm hörmətsizlik, həm də prinsiplərə zidd olardı", - deyə nazir yazıb.

Striting həmçinin bildirib ki, onun fikrincə, Starmer “Əməkçi Partiyanı növbəti ümumi seçkilərə aparmayacaq”, baxmayaraq ki, baş nazir bu barədə əksini davamlı şəkildə bəyan edir.

Britaniya siyasi analitikləri 43 yaşlı Stritingi Starmerin liderliyinə ən güclü rəqib kimi qiymətləndirir. Nazirlikdən istefa onun üçün bu fürsəti açmış olur.

Bizimyol.info