Süper Lig-in 33-cü turunda baş tutan qarşılaşmada "Galatasaray" öz meydanında "Antalyaspor" üzərində 4-2 hesablı qələbə qazanaraq mövsümü çempion kimi tamamlayıb.

Bizimyol.info xəbər verir ki, bu nəticə ilə İstanbul təmsilçisi Türkiyə tarixində 26-cı dəfə çempionluq sevinci yaşayıb.

Matçın ilk hissəsi böyük mübarizə şəraitində keçib. Antalyaspor 45+3-cü dəqiqədə Soner Dikmenin qolu ilə hesabı açsa da, ikinci hissədə oyunun gedişi tam dəyişib.

• 56-cı dəqiqədə – Lemina (Galatasaray),
• 62-də – Soner Dikmen (Antalyaspor)
• 66-da (penalti) – Viktor Osimhen (Galatasaray)
• 88-də – Viktor Osimhen (Galatasaray)
• 90+5-də – Kaan Ayhan (Galatasaray)

Son dəqiqələrdə vurulan qol isə stadionda böyük coşqu yaradıb və çempionluğun rəsmiləşməsini təmin edib.

Qələbədən sonra klub rəsmiləri və baş məşqçi emosional açıqlamalar verib.

Abdullah Kavukcu: “Bu hissi sözlə ifadə etmək çətindir. Çox mübarizə apardıq. Bu uğuru azarkeşlərimizə hədiyyə edirik”, - deyə çempionluğu dəyərləndirib.

Okan Buruk isə komandasının uğurunu: “Dörd ildir ardıcıl çempionluğu qazanmaq inanılmazdır. Oyuncularıma və bizi hər zaman dəstəkləyən azarkeşlərimizə təşəkkür edirəm. Məqsədimiz bu seriyanı 5-ə çatdırmaqdır”, - deyə şərh edib.

Galatasaray bu nəticə ilə ən yaxın rəqibi "Fənərbağça"nı geridə qoyaraq çempionluğu rəsmiləşdirib.

Bu qələbə azarkeşlər üçün yenidən böyük bir sevinc və qürur anı olub.

Bizimyol.info