Rumıniyanın milli-liberal partiyası (MLP), baş nazirin səlahiyyətlərini icra edən İliya Bolojanın hökumətinə etimadsızlıq səsverməsindən sonra müxalifətə keçəcəyini açıqlayıb. Partiya koalisiya qurmaq üçün danışıqlara getməyəcək.

Bizimyol.info xəbər verir ki, bu barədə partiyanın rəsmi bəyanatında bildirilib.

5 mayda Rumıniya parlamenti Bolojan hökumətinə etimadsızlıq səsverməsi keçirib. MLP bəyan edib ki, yeni siyasi şəraitdə partiya müxalifətdə qalacaq və vətəndaşların maraqlarını qoruyacaq, iqtisadi sabitliyə dəstək verəcək.

Partiya böhranın məsuliyyətini sosial-demokrat partiyası (SDP) və “Rumıniyanın Birləşməsi Alyansı”na (AOR) qoyur. MLP-nin qərarı partiya iclasından sonra elan edilib. Qərarın açıqlanması zamanı partiyanın iki vitse-prezidenti tədbirdə iştirak etməyib, çünki onlar əvvəlcə müxalifətə keçməyə qarşı idilər.

Prezidentin partiyası “Rumıniyanın Xilasına Birlik” də SDP və AOR ilə koalisiya qurmaqdan imtina edib.

Siyasi böhran aprelin 20-də SDP-nin baş nazirə dəstək verməkdən imtina etməsi və kabinetdən öz nazirlərini geri çağırması ilə başlayıb. SDP hökumətin bəzi qərarları ilə razı deyildi və koalisiyada tərəflər arasında dialoqun olmadığını bildirirdi.

İndiyə qədər Rumıniyada hakim koalisiya SDP, MLP, “Rumıniyanın Xilasına Birlik” və “Macar Demokratik İttifaqı”ndan ibarət olub. Sağçı “Rumıniyanın Birləşməsi Alyansı” isə əvvəldən müxalifətdədir.

Qadir, Bizimyol.info