İsrail ordusu İranın cənub-qərbində, Mahşəhər rayonunda yerləşən neft-kimya kompleksinə zərbə endirdiyini təsdiqləyib.

Bizimyol.info xəbər verir ki, İsrail tərəfinin iddiasına görə, bu obyekt hücuma məruz qalıb, çünki burada istehsal olunan kimyəvi maddələr İran Silahlı Qüvvələrinin ehtiyacları üçün istifadə olunub.

“Zərbələr zamanı İsrail Müdafiə Qüvvələri partlayıcı maddələrin, ballistik raketlərin və digər silahların istehsal olunduğu iki əsas zavoddan birinin yerləşdiyi obyektə hücum edib. Bu, ballistik raketlər üçün həyati əhəmiyyətli komponentlərin istehsal olunduğu əsas məkanlardan biridir”, – deyə İsrail ordusu bildirib.

Əvvəlcə şənbə günü Huzistan vilayətinin müavini ABŞ və İsrailin Mahşəhərin xüsusi iqtisadi zonasında yerləşən neft-kimya şirkətlərinə ən azı üç zərbə endirdiyini açıqlayıb. Onun məlumatına görə, zərbə "Fəcr-1" və "Fəcr-2", "Redxal" və "Əmir Kabir" neft-kimya şirkətlərinə dəyib.

Bizimyol.info