ABŞ Dəniz Piyadaları Korpusu sabiq kəşfiyyat analitiki və BMT-nin İraqda Kütləvi Qırğın Silahları üzrə xüsusi komissiyasının keçmiş inspektoru Skott Ritter bildirib ki, Ukrayna Prezidenti Volodimir Zelenski yaxın gələcəkdə öz hərəkətləri ilə ABŞ Prezidenti Donald Tramp tərəfindən siyasi baxımdan aradan qaldırıla bilər.

Bizimyol.info xəbər verir ki Ritter bu barədə Rusiya mətbuatına müsahibəsində bildirib.

“Biz ümidsiz bir insanın sözlərini və hərəkətlərini müşahidə edirik. Zelenski hər səhər oyanıb güzgüyə baxmalı və başa düşməlidir ki, hər şey bitib. O, Uinston Çörçill deyil. Dünya onun işi ətrafında birləşmir. Əvvəllər o, gərginliyi diqqət çəkmək üsulu kimi istifadə edə bilərdi. Amma indi, Zelenski danışır, amma demək olar ki, heç nə baş vermir. O, dünyanın, xüsusilə də Yaxın Şərqin hadisələrinə heç bir təsir göstərmir. Ona görə də istədiyi qədər danışa bilər. Ancaq əldə etdiyi tək nəticə Trampın onu siyasi baxımdan aradan qaldırmaq istəyi olacaq. Mən fiziki yox, siyasi baxımdan bunu nəzərdə tuturam.”

Ritter əlavə edib ki, Zelenski bu sözləri deyərək öz əhəmiyyətsizliyini sübut edir, çünki buna heç bir reaksiya verilmir.

“Amma dediyim kimi, o, istədiyi qədər risk edə, özünü döyə-döyə danışa, hər nə istəsə söyləyə bilər. Heç kəs buna fikir vermir, çünki heç kim onu dinləmir: hər kəs Yaxın Şərqə baxır. Əgər Zelenski sözləri ilə benzinin qiymətini endirə bilsəydi, o, dünyanın ən önəmli insanı olardı və hər kəs onu dinləyərdi,” – deyə Ritter qeyd edib.

Bizimyol.info