İsrailin İrana qarşı hərbi kampaniyası mediada yayılan xəbərlərə baxmayaraq, tam sürətlə davam edir və aktiv fazada qalır.

Bizimyol.info xəbər verir ki, bu barədə İsrailin Baş naziri Benyamin Netanyahu bunu Cəbhə Xətti Forumunun iclasında bildirib.

“Önümüzdə Həzbullahın məhv edilməsi məsələsi durur. Bu, həmçinin İrana qarşı ümumi kampaniyayla bağlıdır və mediada yayılan xəbərlərə baxmayaraq, bu kampaniya hələ də tam sürətlə davam edir”, — deyə o qeyd edib.

Baş nazir əlavə edib ki, əməliyyat davam edir və İsrail rəhbərliyi qoyulmuş məqsədlərə ardıcıl şəkildə çatmağı planlaşdırır. O vurğulayıb ki, vəziyyət əlavə tədbirlər tələb edir və hələ də gərgindir.

“İsrail hər zamankından güclüdür, İran isə heç vaxt olmadığı qədər zəifdir. Onlar hələ də bütün mövcud vasitələrdən istifadə etməyə çalışır, siz bunu görür və bilirsiniz. Amma biz dünyada öz mövqeyimizi dəyişmişik. Bu mənim sözüm deyil — bu region ölkələrinin söylədikləridir. Bu, gözləmədiyimiz alyans imkanlarını yaradır. İsrailin gücü, İsrail Müdafiə Qüvvələrinin əzmi və vətəndaşların dözümü sayəsində İsrailin gücü və bölgədəki rolu tamamilə fərqli qiymətləndirilir”, — deyə o qeyd edib.

Şimal İsraildə vəziyyəti şərh edən Netanyahu bildirib ki, Livanda vəziyyəti köklü şəkildə dəyişdirmək barədə son qərar qəbul olunub. Bu, təhdidlərin aradan qaldırılması və mövcud qüvvələr balansının dəyişdirilməsinə yönəlmiş tədbirləri əhatə edir. “Biz vəziyyəti Livanda köklü şəkildə dəyişmək üçün əlimizdən gələni edəcəyik”, — deyə o əlavə edib.

Baş nazir şimal İsraildəki bələdiyyə rəhbərlərinə müraciət edərək, maliyyə ixtisarlarının dayandırıldığını və bərpa, əhalinin yardımı və digər ehtiyaclar üçün əlavə vəsait ayrıldığını bildirib.

“Əhalinin yaşayış yerlərindən köçməsinin qarşısını almaq üçün bütün imkanlar səfərbər ediləcək. Torpaq işğalının təhlükəsi aradan qaldırılıb və təhlükəsizlik zonası daha da genişləndirilir”, — deyə Netanyahu qeyd edib.

O, Hizbullahın son 40 il ərzində yaratdığı təhlükələri xatırladıb. Baş nazirin sözlərinə görə, terror təşkilatının raketləri və mərmiləri Qalileya istiqamətində hədəflənmişdi və İsrail şəhərlərinin dağıdılması təhlükəsi mövcud idi.

“Biz bu təhdidi böyük ölçüdə aradan qaldırmışıq, amma iş hələ bitməyib. Torpaq işğalı və "Radvan" qüvvələrinin minlərlə terrorçusunun hücumu təhlükəsi ilə üzləşdik. Biz Qalileyaya və şimal sərhədinə torpaq işğalına imkan verməyən real təhlükəsizlik zonası yaratmışıq. Biz bu zonanı genişləndiririk ki, tank əleyhinə raketlərin təhlükəsini aradan qaldıraq. Böyük bir tampon zona yaradırıq”, — deyə Netanyahu əlavə edib.

Bizimyol.info