Türkiyənin xarici işlər naziri Hakan Fidan ölkəsinin milli təhlükəsizlik məsələsində güzəştə getmək niyyətində olmadığını bildirib.
Bizimyol.info xəbər verir ki, o, bu açıqlamanı İrandan atılan və Türkiyə hava məkanında vurulan raketlərlə bağlı hadisələrə cavab olaraq verib.
"Sülh və sabitliyə nail olmaq üçün səmimi səylərimiz, eləcə də anlayışımız və konstruktiv yanaşmamız heç bir şəkildə milli təhlükəsizliyimizdən güzəştə gedəcəyimiz anlamına gəlmir. Bildiyiniz kimi, dünən ölkəmizə yönəlmiş daha bir raket havada zərərsizləşdirilib. Bu ciddi hadisə ilə bağlı iranlı həmkarlarımızla birbaşa əlaqə saxlayırıq", - deyə nazir bildirib.
Bizimyol.info
