İngiltərənin baş naziri olan Leyboristlər Partiyasının lideri Keir Starmer ölkənin əfsanəvi baş naziri Marqaret Tetçerin portretini Baş nazirin 10 nömrəli kabinetindən yığışdırıb.

Bizimyol.info xəbər verir ki, “The Guardian” qəzetinin verdiyi məlumata görə, İngiltərədəki Leyboristlər Partiyasının baş məsləhətçisi Tom Baldvin Şotlandiyanın Qlazqo şəhərində keçirilən tədbirdə çıxış edib.

Baş nazir Starmerlə görüşdüyünü bildirən Bolduin bunları deyib: “Onun sənə belə baxması bir az narahat etmirmi? Portretdən qurtulmayacaqsan?”, suallarını baş nazirə ünvanladığını və baş nazirin cavabında başını tərpətdiyini bildirib.

Bolduin portretin götürülməsini “saxlanıldı” sözləri ilə izah edib. Starmer, Tetçeri 2023-cü ilin dekabrında İngiltərəyə "mənalı dəyişiklik" gətirdiyinə görə tərifləyib və "Sunday Telegraph" qəzetindəki məqaləsində Tetçerin həyata keçirdiyi iqtisadi siyasətlə "sahibkarlıq ruhunu üzə çıxardığını" söyləyib.

Qeyri-rəsmi olaraq Tetçer otağı kimi tanınan Baş nazirin ofisində 10 nömrədə nümayiş etdirilən portret Britaniyanın keçmiş baş naziri Toni Bleyri əvəz edən Qordon Braun tərəfindən sifariş edilib. Anonim donor tərəfindən Riçard Stounun 100 min funt sterlinqə sifariş verdiyi əsər keçmiş baş nazirin Baş nazirlik tərəfindən sifarişlə çəkdirdiyi ilk rəsm əsəri idi.

Marqaret Tetçer

Rəsmin çıxarılması qərarı Mühafizəkarlar Partiyası daxilində bəziləri tərəfindən tənqid edilib. Millət vəkili Qreq Smit rəsmin götürülməsi qərarının “pafoslu” olduğunu və Starmerin Britaniya tarixinə və əvvəlki baş nazirlərə “hörmət etmədiyini” bildirib.

Şotlandiyanın Mühafizəkarlar və İttifaq Partiyasından olan Murdo Fraser bu qərarla bağlı deyib: “Bu, təkəbbürlü bir addım kimi görünür, amma ola bilsin, Ser Keir Starmer nailiyyətlərinə heç vaxt yaxınlaşmayacağı dünyaca məşhur bir liderin baxışlarından qorxur”.

3 oktyabr 1925-ci ildə İngiltərənin Qrantham şəhərində anadan olan Tetçer İngiltərənin ilk qadın baş naziri kimi tarixə düşüb. Marqaret Tetçer 1979-cu ildə Mühafizəkarlar Partiyasının seçkilərdə qələbəsi ilə 11 il hakimiyyətdə qaldı. Onun 1990-cı ilə qədər davam edən baş nazirlik müddəti Tetçerin “dəmir ledi” titulunu qazanmasında mühüm rol oynayıb.

Tetçer iqtisadi islahatlara, özəlləşdirmələrə və birliklərə sərt münasibəti ilə diqqəti cəlb edib. Onun siyasəti, xüsusən də azad bazar iqtisadiyyatı və dövlət müdaxiləsinin azaldılması ilə bağlı siyasəti Tetçerizm kimi tanındı.

1990-cı ildə partiya daxilindəki müxalifətə görə istefaya getməli olan Tetçerin yerinə Con Meycor gətirildi. Tetçer 2013-cü il aprelin 8-də Londonda vəfat edib.

Qadir, Bizimyol.info