Deyəsən, biz tezliklə rentgen çəkə və smartfonlarla divarların arxasını görə biləcəyik.

• Həqiqətən "Supermen" kimi divarların arxasında nə olduğunu görmək istəmisinizmi?

Bizimyol.info "webtekno"ya istinadən xəbər verir ki, ola bilsin ki, bizim bunun üçün superqəhrəman kimi qabiliyyətlərimiz yoxdur, amma gələcəkdə smartfonlarımız da oxşar qabiliyyətə malik ola bilər. 15 il ərzində inkişaf etdirilən texnologiya divarların arxasını görə bilən bir çipi təmin edə bilər.

Digər tərəfdən, rentgen şüalarına daimi məruz qalma insan üçün zərərlidir. Buna görə hazırlanmış çip 200-400 GHz diapazonunda siqnallardan istifadə edir. İndiyə qədər aparılan araşdırmalarda çip toz, sıx duman və normal olaraq qeyri-şəffaf olan hissələrin arxasında görüntü çəkməyi bacarıb. Nəhayət, kartonun arxasına baxmaq mümkün olub.

Bir neçə il gözləmək lazım gələ bilər

Bu texnologiya həyəcan verici olsa da, son məhsulu görməyimiz bir neçə il çəkə bilər. Texas Universitetindən Dr. Kennet O tərəfindən hazırlanmış çip müxtəlif məqsədlərə xidmət edəcək. Bu çip sayəsində həkimlər fövqəladə hallarda dərhal rentgen çəkə və ya sağlamlıq problemlərinə müdaxilə edə biləcəklər.

Bundan əlavə, bu telefonlar həm də zərflərin və qutuların içərisinə baxa biləcək. Digər tərəfdən bu proses üçün telefonla çanta arasında 1 santimetrlik məsafə kifayət olacaq.

Dr. Kenneth O deyir ki, bu maraqlı texnologiya bazara çıxarılmazdan əvvəl investisiya lazımdır. Digər tərəfdən, çantaların içini və divarların arxasını görə bilən bir çip böyük xaosa səbəb ola bilər.

Qadir, Bizimyol.info