Rəcəb Tayyib Ərdoğanın dünən Türkiyənin Avropa Birliyinə (AB) üzv olmaq üçün qırx il gözləməsi ilə bağlı çox emosional açıqlama verib.

Bizimyol.info xəbər verir ki, bu barədə xarici mətbuat məlumat verib.

Türkiyə Prezidenti: “Mən üzvlük prosesi ilə bağlı heç bir yeni şərtlərə dözməyəcəyəm. Biz Aİ-yə verdiyimiz bütün vədləri yerinə yetirmişik, lakin birlik üzərlərinə düşən şərtlərin heç birini yerinə yetirməyib. Türkiyə 40 ildir onu qapısında gözlədən Avropa İttifaqından artıq heç nə gözləmir”, - deyə bildirib.

"Deutsche Welle" xəbər verir ki, hələ sentyabrın ortalarında Ərdoğan birmənalı şəkildə Türkiyənin Aİ ilə vidalaşa biləcəyini, çünki sonuncunun Türkiyədən qurtulmağa çalışdığını bildirib.

Yeni anlaşılmazlıq dalğasının yaranmasına səbəb Avropa İnsan Haqları Məhkəməsinin ByLock tətbiqindən (tətbiq mesajları şifrələməyə imkan verir və 2016-cı ildə Türkiyədə dövlət çevrilişi cəhdində istifadə edilib) istifadə edən Yüksel Yalçenkayla bağlı qərarı olub. Ərdoğan bu məhkəmə qərarını “dəvənin belini qıran saman çöpü” adlandırıb. Prezidentin özünün də bəyan etdiyi kimi, onun hökuməti satqınlar qrupu ilə mübarizəni dayandırmayacaq.

Bu hal presedent ola bilər, çünki AİHM-də təxminən 8500 oxşar iş var və Türkiyənin özündə ByLock tətbiqinin 100 000 istifadəçisi müəyyən edilib.

Qadir, Bizimyol.info