Türkiyə Daxili İşlər Nazirliyi Ankarada hücumu həyata keçirən terrorçulardan birinin PKK terror təşkilatının üzvü olmasının müəyyən edildiyini açıqlayıb.

Bizimyol.info xəbər verir ki nazirlikdən verilən yazılı açıqlamada xatırladılıb ki, bu gün saat 09.26-da Daxili İşlər Nazirliyi Mühafizə Baş İdarəsi Atatürk Bulvarının girişinə avtomobillə gələn 2 terrorçu tərəfindən hücuma cəhd edilib.

Açıqlamada cəhdin qarşısının polis tərəfindən alındığı, hücuma cəhd edən 2 terrorçunun təhlükəsizlik qüvvələrinin anında reaksiyası nəticəsində zərərsizləşdirildiyi vurğulanıb. "Məlumatda: "Araşdırmalar zamanı terrorçulardan birinin separatçı terror təşkilatı PKK üzvü olduğu müəyyən edilib. Digər terrorçunun müəyyən edilməsi istiqamətində işlər davam etdirilir", - deyə bildirilir.

Nazirlik hadisə zamanı yaralanan iki polis əməkdaşının müalicəsinin davam etdiyini qeyd edilib.

“Hücum cəhdində istifadə edilən avtomobillə bağlı aparılan araşdırma zamanı Kayserinin Develi rayonunda xüsusi bir iş yerində baytar sağlamlıq texniki işləyən Mikayıl Bozlağan adlı vətəndaşımız bu terrorçular tərəfindən qətlə yetirilib və avtomobili qaçırılıb. Hücum cəhdinin qarşısı alınan yerdə aparılan müayinələrdə içərisində RDX olan 9 min 700 qram C-4 partlayıcısı, 3 əl qumbarası, 1 reaktiv yaylım atəşi, 1 ədəd "Glock" markalı susturucu tapança, 1 ədəd "Blow" markalı tapança, 1 ədəd "M-4" aşkar edilərək götürülüb. "Carabiner" markalı uzun lüləli silah, "AK-47" markalı uzun lüləli tapança da ələ keçirilib", - deyə məlumatda qeyd edilib.

Açıqlamada təhlükəsizlik bölmələrinin başlatdığı istintaqın davam etdiyi bildirilib: “Terrorçular tərəfindən öldürülən Mikayıl Bozlağana Allah rəhmət etsin, dərin kədər hisssi ailəsinə başsağlığı veririk. Terror cəhdi zamanı yaralanan qəhrəman polislərimizə tezliklə şəfa diləyirik. Terrorla mübarizəmiz son terrorçu zərərsizləşdirilənə qədər qətiyyət və qətiyyətlə davam edəcək”, - deyə nazirliyin açıqlamasında qeyd edilib.

Qadir, Bizimyol.info