Türkiyə və Rusiya prezidentləri Rəcəb Tayyib Ərdoğan və Vladimir Putin arasında mümkün görüş tarixi ilə bağlı konkret məlumat yoxdur.

Bizimyol.info xəbər verir ki, bu barədə mətbuata Türkiyə prezidentinin ofisindən məlumat verilib.

“Görüşün sentyabrda baş tutacağı gözlənilir, lakin hələlik konkret məlumat yoxdur. Danışıqların yeri və tarixinin müzakirəsi diplomatik kanallar vasitəsilə davam etdirilir”, - deyə mətbuata məlumat verən mənbə bildirib.

Bundan əvvəl Türkiyədəki diplomatik mənbə Rusiya mətbuatına bildirib ki, Putin və Ərdoğan arasında Soçidə görüş planlaşdırılıb və mümkün tarix sentyabrın 4-ü nəzərdə tutulub.

Bundan əlavə, “Milliyet” qəzeti mənbələrə istinadən yazıb ki, Türkiyənin xarici işlər naziri Hakan Fidanın avqustun 25-də Kiyevə, ondan sonra isə taxıl müqaviləsinin bərpası ilə bağlı danışıqlar aparmaq üçün sentyabrda Moskvaya səfər edəcəyi gözlənilir. Nəşr qeyd edir ki, İstanbulda Rusiya, BMT və Türkiyə nümayəndələri arasında taxıl müqaviləsi üzrə danışıqların aparılması mümkündür. Məlumatda bu "təşəbbüsün reanimasiyası" ssenarilərindən biri adlandırılır. Türkiyə qəzeti qeyd edir ki, görüş uğurlu olarsa, gələcəkdə İstanbulda Ukraynanın iştirakı ilə danışıqlar aparıla bilər.

Rusiya liderinin mətbuat katibi Dmitri Peskov avqustun 3-də bəyan edib ki, prezidentlərin görüşünün yeri və dəqiq tarixi diplomatik kanallar vasitəsilə razılaşdırılacaq. Bir gün əvvəl Peskov: "Görüş yerinin müzakirə ediləcəyini, bu, mütləq Türkiyə olmayacaq. Putin bildirib ki, indi onun ölkəni tərk etməsi üçün uyğun vaxt deyil, ona görə də hər hansı səfər etmək onun üçün çətindir", - deyə Peskov əlavə edib.

Qadir, Bizimyol.info