Şübhəsiz ki, oyuncaqlar indiki uşaqlar üçün olduğu kimi keçmişdə də çox qiymətli idi. Sizi 90-cı illərin sonu və 2000-ci illərin əvvəllərinə aparsaq və Fatoş oyuncaqlarına zamana səyahət etsək necə olar? Barbiyə rəqib kimi görünən, rəngləri, fiqurları fərqli olan Fatoş oyuncaqlarının adlarını çəksək, bəlkə bəzilərimiz "Hey, köhnə günlər!" -deyəcəksiniz.

Bəs bu oyuncaqlar necə yarandılar və bizi niyə tərk etdilər? Bir az geriyə qayıdaq.

Bizimyol.info xarici mətbuata istinadla xəbər verir ki, Fatoş oyuncaqları ortaya çıxma hekayəsi əslində olduqca maraqlıdır. Belə ki, bir yaşlı oğluna ad günündə oyuncaq pişik hədiyyə edilən Fatoş İnhan, oğlunun qorxusundan və bu oyuncağın qarşısında ağlamasından inciyir. Təbii ki, 1970-ci illərdə bu hadisənin baş verdiyi Türkiyədə bazarda oyuncaq çeşidi kifayət qədər az idi. Bu təcrübədən sonra ana Fatoş İnhan oğlu ilə birlikdə bütün uşaqların daha şirin oyuncaqlara ehtiyacı olduğunu düşünüb və bununla bağlı nəsə etmək qərarına gəlir. O, müxtəlif oyuncaqlar tikmək üçün ərinin icarəyə götürdüyü ofisdə anasının tikiş maşını ilə işləməyə başlayır. Fatoş İnhan tikdiyi oyuncaqlardan birincisinə “Tonton” adını verir. Bu oyuncaq narıncı rəngli ayı idi, olduqca kiçik və yumşaq idi. “Tonton” adlı oyuncaq Fatoş oyuncaqlarının ilki olur və bu ayının ardınca sevimli və rəngli itlər, pişiklər, fillər, dovşanlar, eşşəklər və körpələr hazırlanır. Fatoş İnhan, oğlunu bu oyuncaqlarla güldürə bildiyinə görə çox sevinir və başqa uşaqlara da ümid ola biləcəyini düşünür. O zaman bu oyuncaqların brend adı ilə adı yox idi və Fatoş İnhan həyat yoldaşının təklifi ilə bu dizaynları “Fatoş oyuncaqları” adlandırmışdı.

Fatoş İnhanın hazırladığı oyuncaqlara tələbat kifayət qədər yüksək olub və “Fatoş Toys” adı ilə mağazalar açılmağa başlayıb. İşlər günü-gündən yaxşılaşır və tarixlər 1990-cı ili göstərəndə Fatoş oyuncaqları ən çox axtarılan və tələb olunan markaya çevrilir. Oyuncaq sənayesində nəhəngə çevrilən Fatoş İnhan, əslində o dövrdə Türkiyə üçün çox məşhur "Barbie" oyuncaqlarının da istehsal lisenziyasını almağı bacarmışdı. O, Türkiyənin ilk "Barbie"-sini “Lady” adlı oyuncağı ilə təqdim edir.

Xülasə, Fatoş İnhanın oyuncaq sevgisi və yaradıcılığı sayəsində Türk oyuncaqçılığının qızıl dövrü yaşanıb. Ancaq bütün yaxşı şeylər bitdiyi kimi, Fatoş oyuncaqları da 2001-ci ildə sona çatdı. Lakin bu sona az qalmış Fatoş İnhan dünyanın 40 sahibkar qadını arasından seçilir və mükafata layiq görülür. Təəssüf ki, 30 illik əfsanəvi oyuncaq düzəltmə cəhdi, oyuncaqların Çin tərəfindən ölkəyə gətirilməyə başlaması ilə sona çatır. İnsanlar Çin oyuncaqlarının keyfiyyətsizliyindən xəbərdar olsa da, ucuz qiymətə aldanır və Fatoş oyuncaqlarına tələbat xeyli azalır.

Şübhəsiz ki, uşaqlıq illərini 2000-ci illərdə yaşayanlar Fatoş oyuncaqlarını görəndə və ya eşidəndə duyğulanmaya bilməz.

İlahin, Bizimyol.info