Taliban-ın icraçı direktoru Anas Haqqani Twitter-Threads rəqabətində hansı tərəfdə olduqlarını açıqlayıb. Taliban İlon Maska dəstək verəcəyini açıqlayıb. Bəs niyə belə bir qərar verildi? Arxa planda nə var?

Bizimyol.info Türkiyə mətbuatına istinadla xəbər verir ki, son zamanlar internet dünyasının müzakirə etdiyi bir nömrəli məsələ Twitter-Threads rəqabətidir. Bir tərəfdə İlon Maskın Twitteri, digər tərəfdə sosial media nəhəngi Meta-nın rəhbəri Mark Zukerberq var. Elon Musk Zukerberqə qarşı kifayət qədər aqressiv mövqe tutsa da, Zukerberq hələlik sakitdir və diqqətini Threads-ı daha yaxşı bir yerə çevirməyə cəmləyib. Bütün bunlar davam edərkən Əfqanıstanı idarə edən Talibandan maraqlı bir açıqlama gəlib. Talibanın yüksək səviyyəli rəhbərlərindən biri olan Anas Haqqani Twitter-Threads gərginliyində tərəfini göstərib. Taliban rəsmisi İlon Maskın tərəfində olduğunu bildirib. Haqqaniyə görə, Twitter iki səbəbə görə Threads-dən daha yaxşıdır.

Twitter-in Threads-dən üstünlüyü nələrdir?

“Twitter-in digər sosial media platformaları ilə müqayisədə iki mühüm üstünlüyü var. Birinci üstünlük ifadə azadlığıdır. İkinci üstünlük Twitter-in ictimai xarakteri və etibarlılığıdır. Twitter-in Meta kimi dözümsüz siyasəti yoxdur. Digər platformalar onu əvəz edə bilməz”-deyə Taliban rəhbəri qeyd edib.

Taliban rəhbərinin İlon Maska yaxın olmasının əsas səbəbi başqadır. Meta Mark Zukerberqin rəhbərliyi altında Talibanla bağlı yazıları və Taliban üzvlərini “Facebook”-da bloklayıb. Talibanın “WhatsApp”-dan istifadəsinin qarşısını almaq üçün də addımlar atılıb. Ancaq “Twitter” cəbhəsində bu belə deyil. Hətta Hedayatullah Hidayət və Abdul Haq Hammad kimi Taliban liderləri, Twitter-də hesablarını təsdiqləyiblər. Bütün bunlar Talibanın niyə Metaya qarşı olduğunu anlamaq üçün kifayətdir...

İlahin, Bizimyol.info