Türkiyə terrorçuları dəstəklədiyi üçün İsveçin NATO-ya daxil olmasına hələ də razılıq verə bilmir.

Bizimyol.info xəbər verir ki, bunu cümə günü Türkiyə prezidenti Rəcəb Tayyib Ərdoğan İstanbulda çıxışı zamanı deyib.

"Türkiyənin son 71 ildə NATO ittifaqına verdiyi töhfələr çox az müttəfiq etdi. Bu faktlar göz qabağında olsa da, bir müddət ölkəmizə qarşı aparılan kampaniyalara görə təəssüflənirik", - deyə o qeyd edib.

Prezident detib ki, biz alyansın açıq qapı siyasətini dəstəklədik və dəstəkləyirik. "Biz Finlandiyanın üzvlüyünü təsdiq etməklə prinsipial mövqeyimizi nümayiş etdirmişik. Terrorla mübarizədə mövqe tutmayanlara münasibətimizi bildirməkdən çəkinmədik. Terrorçuları qucaqlayanları bəyənə bilmərik. Terrorla insanlıq yan-yana dura bilməz. Alyansın mahiyyəti həmrəylik mühitinin yaradılmasıdır. Bizə məsləhət verənlər əvvəlcə aşağıdakı suallara cavab verməlidirlər. Türkiyə terrordan uzaqlaşmayanları necə bəyənə bilər? Madriddə ölkəmizə verilən vədlərə əməl olunmasını istəyirik", - deyə Türkiyə prezidenti qeyd edib.

"Biz gizli oyunlar oynamayacağıq. Qardaşlığımıza ləkə salmayacağıq. Biz ümidsizlik girdabına düşməyəcəyik. Biz Türkiyənin potensialına və türk millətinə hər zaman güvənəcəyik. Biz heç vaxt unutmayacağıq ki, uğur qazanmaqdan başqa seçimimiz yoxdur" deyə o qeyd edib.

Qadir, Bizimyol.info