Türkiyə hakimiyyəti dünya ictimaiyyətinin gözündə konstruktiv tərəfdaş kimi görünmək istəyir və erməni tərəfi ilə görüşlər bunun üçün əsaslı səbəbdir.
Bizimyol.info xəbər verir ki, bu barədə AXC-nin “Daşnaksütyun” bürosunun siyasi məsələlər üzrə mərkəzi idarəsinin və “Hay Dat”ın rəhbəri Kiro Manoyan Sputnik Ermənistan -a şərhində bildirib. Onun sözlərinə görə, Türkiyə həm keçmişdə, həm də indi prosesi Ermənistan-Azərbaycan problemi ilə əlaqələndirmədən Ermənistanla münasibətləri normallaşdırmağa hazır deyil.
“Ermənistanın heç bir humanitar və digər jestləri vəziyyəti dəyişməyəcək.
Türkiyə dəfələrlə, o cümlədən (Ararat) Mirzoyanın son səfəri zamanı bəyan edib ki, Ermənistan-Türkiyə münasibətlərinin normallaşması Ermənistan-Azərbaycan gündəliyindən asılıdır. Ermənistanla Azərbaycan arasında barışıq ehtimalı o qədər də yüksək deyil, baxmayaraq ki, mən istəməzdim. Əgər burada Ermənistan hakimiyyəti bizə daha bir sürpriz təqdim etsə, təəccüblənin. Hər halda Ankaranın münasibəti dəyişməz olaraq qalır. Ermənistan-Azərbaycan barışığı olmadan İrəvanla normallaşma olma bilməz”, - deyə Manoyan Türkiyənin cənubunda baş vermiş dağıdıcı zəlzələlərdən sonra ötən həftə baş verənləri şərh edərkən bildirib.
Siyasətçi Türkiyədə baş verən zəlzələnin və Ermənistanın göstərdiyi humanitar yardımın Ankaranın siyasətində hər hansı korrektə edə biləcəyinə də əmin deyil. O hesab edir ki, Ermənistan hakimiyyətinin özü Türkiyəyə humanitar yardımın göstərilməsinə siyasi rəng verib, bunu normallaşma üzrə danışıqlarda sıçrayış fürsəti kimi üstüörtülü şəkildə təqdim edib. Eyni məqsədlə Xarici İşlər Nazirliyinin rəhbəri, onun müavini, eləcə də danışıqlarda iştirak edən xüsusi nümayəndə Ankaraya gedib.
"Ermənistan rəhbərliyinin məqsədlərinə nail olunmayıb və Ani körpüsünün birgə səylərlə bərpası heç bir halda Türkiyə tərəfindən hansısa konstruktiv jest sayıla bilməz. Bərpa mövzusu yeni deyil, bir neçə il əvvəl müzakirə olunub. Layihənin nəhayət həyata keçiriləcəyi isə fakt deyil. Bu müddət ərzində Türkiyə ilə başqa razılaşmalar da əldə olunub, məsələn, eyni hava yüklərinin daşınması və ya üçüncü ölkə vətəndaşlarının gediş-gəlişi üçün quru sərhədinin açılması. Amma bütün bunlar kağız üzərində qalır, nə vaxt həyata keçiriləcək və ümumiyyətlə həyata keçirilib-keçirilməyəcəyi böyük sualdır”,-deyə o, əlavə edib.
Onun sözlərinə görə, Türkiyə dünyaya normallaşma istəyini nümayiş etdirmək üçün daim informasiya sahəsinə müxtəlif mövzular və rəvayətlər atır: “Ankara dünya ictimaiyyətinin gözündə konstruktiv tərəfdaş kimi görünmək istəyir. Lakin Ankara öz yanaşmalarını əsaslı şəkildə nəzərdən keçirməyəcək”.
AXC nümayəndəsi xatırladıb ki, martın sonunda İrəvanda futbol oyunu keçiriləcək. Ermənistan və Türkiyə yığmaları Avro-2024-ün seçmə mərhələsinin ilk oyununu 25 mart 2023-cü ildə Ermənistana qarşı keçirəcək. Ola bilər ki, Ankaradan da yüksək nümayəndə heyəti Ermənistana gəlsin. Ancaq Ermənistan Türkiyə baxımından Azərbaycanla münasibətlərini normallaşdırmayana qədər bütün bu görüşlər nəticə verməyəcək.
Leyla Mirzə
