Kriptovalyuta insan həyatına o qədər daxil olub ki, Ginnesin Rekordlar Kitabında bütöv bir bölmə ona həsr olunub. Kitabın redaktorları bitkoinə, fan tokenlərinə, NFT-lərə və kriptovalyutaların qəbuluna xüsusi diqqət yetiriblər.

Bizimyol.info xarici mətbuata istinadla xəbər verir ki, “Cointeleghraph”-a görə, 2023-cü il üçün Rekordlar Kitabı virtual aktivləri özündə birləşdirən ilk olacaq. Kitabın ayrıca "Kriptomaniya" bölməsi olacaq. Təbii ki, bu bölmədə bitkoini nəzərdən qaçırmaq mümkün deyil. Sikkə tarixdə ilk kriptovalyuta kimi tanınıb. Onun tarixi 2009-cu il yanvarın 12-də, Bitcoin şəbəkəsində ilk əməliyyatın aparıldığı vaxtdan başlayıb. Bundan əlavə, BTC ən qiymətli kriptovalyuta kimi tanınır. 24 mart 2022-ci il tarixinə onun bazar kapitallaşması 816,69 milyard dollar təşkil edib.

Ginnesin Rekordlar Kitabına görə, Bitcoin heç bir mərkəzləşdirilmiş təşkilat və ya əməliyyatlara nəzarət etmək üçün etibarlı üçüncü tərəf olmadan rəqəmsal valyuta tənzimlənməsi probleminin həlli kimi hazırlanıb. CryptoPunk 5822 tokeni isə, ən bahalı kolleksiya NFT kimi tanınıb. 12 fevral 2022-ci ildə sahibkar Dipak Taplia onu 8000 Ethereum və ya o zaman 23,7 milyon dollara alıb. Kriptovalyuta bazarının çökməsi səbəbindən tokenin dəyəri o vaxtdan 10,4 milyon dollara düşüb. Azarkeş tokenləri - idman klubları tərəfindən buraxılan kriptovalyutalar arasında da rekord yer var idi. Belə ki, “Ən Dəyərli Azarkeş Tokeni" 47,1 milyon dollar bazar kapitallaşması ilə futbol klubunun 2021-ci ilin iyununda işə saldığı Manchester City Fan Token (CITY) idi.

El Salvador da tarixdə öz yerini tutub. O, bitkoini qanuni ödəniş vasitəsi kimi qəbul edən ilk ölkə kimi kitaba daxil edilib. Ginnesin Rekordlar Kitabının nümayəndəsi bildirib ki, hər nəşr öz dövrünün ruhunu və oxucuların müzakirə edəcəyi mövzuları əks etdirməyə çalışır. Bu baxımdan, bitkoinin nəşrdə görünməsi özünü doğruldur.

İlahin, Bizimyol.info