Kahramanmaraşdakı meşə yanğınına havadan müdaxilə edən yanğınsöndürən təyyarə qəzaya uğrayıb. Əraziyə axtarış -xilasetmə qrupları göndərilib.

Bizimyol.info xəbər verir ki, "haberturk"ün verdiyi məlumata görə, Rusiyadan icarəyə götürülən təyyarədə 6 rus pilot və texniki heyətlə yanaşı 1 nəfər Türkiyə Meşəçilik Baş İdarəsinin nümayəndəsi, 1 Türk Hava Qüvvələri Birliyinin nümayəbdəsinin olduğu bildirilib.

Kahramanmaraş valisi Ömer Faruk Coşkun verdiyi açıqlamada bildirib ki, Onikisubat mahalının Ilıca bölgəsinin Almalı ərazisində düşən ildırım meşədə yanğının başlamasına səbəb olub:

"Yanğınına həm yerdən, həm də havadan müdaxilə etməyə çalışdıq. Bu səbəbdən də bölgəyə də bir təyyarə göndərdik. Ancaq təyyarə ilə təmas bir müddət əvvəl kəsildi. Təyyarə qəzaya uğradığı məlum oldu. Hadisə hazırda yencə baş verib deyə detallı məlumatımız yoxdur. Təyyarənin qəzaya uğradığı bölgəyə axtarış-xilasetmə briqadası göndərmişik", - deyə Coşkun bildirib.