ABŞ-ın vitse-prezidenti Cems Devid Vens Ağ Evdə keçirilən görüşdə İranla hərbi münaqişənin mümkün eskalasiyasından narahatlığını bildirib.

Bu barədə CNN mənbələrə istinadən məlumat yayıb.

Şəbəkənin məlumatına görə, 24 iyulda ABŞ prezidenti Donald Trampla görüşdə Vens və Birləşmiş Qərargah Rəisləri Komitəsinin sədri Den Keyn münaqişənin potensial eskalasiyası ilə bağlı narahatlıqlarını dilə gətiriblər.

Keyn görüş iştirakçılarına əməliyyatın genişləndirilməsinin ABŞ-ın sursat ehtiyatlarını daha da tükəndirəcəyini vurğulayıb. (Apa.az)