Bizimyol.info xəbər verir ki, Səudiyyə Ərəbistanının dövlət informasiya agentliyi “Saudi Press Agency”  Müdafiə Nazirliyinin rəsmi nümayəndəsinə istinadən xəbər verib ki, Krallığın hava hücumundan müdafiə qüvvələri iki ballistik raketi uğurla aşkar edib və məhv edib.

Hücuma hədəf olan strategiya əhəmiyyətli Şahzadə Sultan aviabazası Səudiyyə paytaxtının cənub-şərqində, Əl-Hardj əyalətində yerləşir.

Müdafiə nazirliyinin rəsmi məlumatına görə, hava hədəfləri qorunan perimetrə çatmamış əvvəlcədən zərərsizləşdirilib, bu da hərbi obyektin daxilində dağıntıların qarşısını alıb.

Hadisə ilə bağlı operativ hesabatı Türkiyə dövlət agentliyi “Anadolu Ajansı” da yayıb. Onun materiallarında qeyd olunur ki, Ər-Riyad şəhərindəki Şahzadə Sultan aviabazası İrandan hücuma məruz qalıb.

Xarici KİV-lərin məlumatına görə, bu hücum yalnız əsas hərbi mərkəzlərə deyil, həm də Səudiyyə Ərəbistanının energetika infrastrukturuna yönəlmiş koordinasiyalı zərbələrin bir hissəsi olub.

Krallığın hava hücumundan müdafiə sistemləri ölkənin bir neçə əyalətində raket və dronlardan ibarət kombinə edilmiş hücumları intensiv şəkildə dəf edib.

Məlumat agentliyinin bildirdiyinə görə, hücuma məruz qalan Şahzadə Sultan aviabazası hava əməliyyatlarının koordinasiyası və regional hava məkanının təhlükəsizliyi baxımından ən vacib obyektlərdən biridir.

Bizimyol.info