Los-Anceles sinifli nüvə enerjisi ilə işləyən "USS Greeneville" sualtı qayığı Cənubi Koreyanın Busan şəhərindəki dəniz bazasına çatıb.

Bizimyol.info xəbər verir ki, bu barədə "Yonhap" xəbər agentliyi Koreya Respublikası Hərbi Dəniz Qüvvələrinə istinadən məlumat yayıb.

"Greeneville" təchizatı bərpa edəcək və heyətə istirahət etməyə imkan verəcək.

Bu, iyun ayında seçkilərdə qalib gələn prezident Li Çje Myonqun rəhbərliyi dövründə nüvə enerjisi ilə işləyən sualtı qayığın ölkəyə ilk gəlişidir. ABŞ-ın nüvə enerjisi ilə işləyən sualtı qayığı sonuncu dəfə fevral ayında Cənubi Koreya limanına baş çəkib, o zaman "USS Alexandria" sualtı qayığı Cənubi Koreyaya gəlmişdi.

"Greeneville" artıq üç dəfə Cənubi Koreyaya səfər edib, sonuncu dəfə isə 2016-cı ildə.

Şimali Koreya ABŞ-ın nüvə enerjisi ilə işləyən sualtı qayıqlarının Cənubi Koreya limanlarında mövcudluğuna tənqidi yanaşır.

Qadir, Bizimyol.info