ABŞ Cənub Komandanlığının (SOUTHCOM) məlumatına görə, ABŞ Şərqi Sakit Okeanda narkotik qaçaqmalçılığında şübhəli bilinən iki gəmiyə zərbə endirib.

Bizimyol.info xəbər verir ki, verilən bəyanatda əməliyyatın 18 dekabr Cümə axşamı günü Hərbi Katib Pit Heqsetin rəhbərliyi altında baş tutduğu və beynəlxalq sularda Birgə Əməliyyat Qrupu olan "Southern Spear" tərəfindən aparıldığı bildirilib.

"Kəşfiyyat gəmilərin Şərqi Sakit Okeanda məlum narkotik qaçaqmalçılığı marşrutlarını izlədiyini və narkotik qaçaqmalçılığı əməliyyatlarında iştirak etdiyini təsdiqləyib", - deyə ABŞ Cənub Komandanlığı "X" sosial şəbəkə hesabındakı açıqlamasında bildirib.

"Bu əməliyyatlar zamanı ümumilikdə beş kişi narko-terrorçu öldürülüb - birinci gəmidə üç, ikinci gəmidə isə iki. ABŞ hərbçilərindən heç biri xəsarət almayıb", - deyə verilən bəyanatda əlavə olaraq qeyd edilib.

Bu yeni hücumlarla ABŞ-ın Karib dənizi və Şərqi Sakit Okeandakı əməliyyatlarda ölənlərin sayı 104-ə çatıb.

Qadir, Bizimyol.info