Ötən gün ABŞ-ın Vaşinqton ştatının Vhatcom qraflığında yük maşınının aşması səbəbindən 250 milyon arının sərbəst buraxıldığı bildirilib.

Bizimyol.info xəbər verir ki, səlahiyyətlilər sakinlərə arı sürüsündən uzaq durmaq barədə xəbərdarlıq edib.

Vhatcom Kounti Şerif Ofisi, qəzanın baş verdiyi Veidkamp yolunun arıların xilasetmə işləri tamamlanana və xəbərdarlıq edilənə qədər bağlı qalacağını bildirib: “Qəzadan sonra arıların sürü halında qaçması səbəbindən yarana biləcək həhlükə etimala görə əraziyə girməyin”, - deyə qeyd edib.

Qəza ilə bağlı araşdırmalara başlanılıb.

Qadir, Bizimyol.info