Hollandiyanın Maaşort bələdiyyəsi bildirib ki, ötən il abadlıq işləri zamanı 46 sənət əsəri, o cümlədən dünya şöhrətli rəssam Endi Uorholun əsəri "çox güman ki" təsadüfən zibilliyə atılıb.

Bizimyol.info xəbər verir ki, Uorholun sözügedən əsəri Hollandiyanın keçmiş kraliçası Beatriksi təsvir edirdi. Səlahiyyətlilər bildiriblər ki, sənət əsərləri, o cümlədən 1980-ci illərdə Uorholun təxminən 15 min avro dəyərində ekranla çap olunmuş əsəri keçən il meriyadan itib.

Hadisə ilə bağlı aparılan araşdırmaların nəticələrinə görə, təmir zamanı əsərlərin zirzəmidə saxlandığı və sənət nümunələrinin qorunub saxlanması ilə bağlı təlimatın olmaması onların zərərsizləşdirilməsinə səbəb ola biləcəyini müəyyən edib.

Dünən bələdiyyədən verilən açıqlamada Uden bələdiyyəsində aparılan iş zamanı sənət əsərlərinin anbara aparıldığı qeyd edilib. "Əsərlər çox güman ki, səhvən zibillə birlikdə çıxarılıb", - deyə bəyanatda deyilir.

Qadir, Bizimyol.info