İsveçrə suya qənaət etmək, eləcə də enerji istehsal etmək üçün günəş panellərindən istifadə etməyin yolunu tapıb.

Bizimyol.info "webteko"ya istinadən xəbər verir ki, dünya ölkələri enerji müstəqilliyi uğrunda çalışmalarını davam etdirirlər. Bunun üçün ilk ağıla gələn üsul təbii ki, bərpa olunan enerjilər olan külək və günəş enerjisindən faydalanmaqdır.

Bərpa olunan enerji sahəsinə ciddi sərmayələr qoyan İsveçrə indi üzən günəş panellərini istifadəyə verir.

Xüsusilə günəş enerjisinə diqqət yetirən İsveçrə Alp dağlarını günəş panelləri ilə örtüb. Digər tərəfdən, ölkənin yeni planı çayların üzən günəş panelləri ilə örtülməsidir. Bu, həm də İsveçrənin içməli su ehtiyatlarını qoruyacaq.

İsti havalarda suyu da qoruyacaq

Bu yaxınlarda gördüyümüz çoxlu üzən günəş paneli layihələri var. Bu layihələrə diqqət yetirməyin çox məntiqli səbəbi var. Üzən panellər birbaşa su mənbələrinə gedən günəş şüalarının qarşısını alır. Beləliklə, quraqlıq riskini də azaldır.

2019-cu ildən başlayaraq Romande Energie İsveçrədəki Lac des Toules su anbarında dəniz səviyyəsindən 1810 metr hündürlükdə üzən günəş fermalarını quraşdırıb. Layihədə 35 platformada iki üzlü günəş panellərindən istifadə edilib və ümumi gücü təxminən 448 kVt təşkil edib.

Gölün cəmi 2%-ni əhatə edən bu platformalar iyun-dekabr ayları arasında qarın əriməsi səbəbindən dolu olan su anbarında üzəcək. Yanvar-may aylarında göl boş olduqda platformalar yerdə sabit qalacaq.

Bu layihə dağlıq bölgələrdə günəş enerjisindən faydalanmağı hədəfləyən qabaqcıl layihələrdən biri hesab olunur.

Qadir, Bizimyol.info