Qaratikan kolu yazda, kiçik ağ çiçəklərlə açır. Çiçəklənən qaratikan kolları öz gözəlliyi ilə heyran edir. Qaratikan kolunun xalq arasında da böyük dəyəri var. İnsanlar gözdən-nəzərdən qorunmaq üçün bu koldan istifadə edirlər. Yeni ev, avtomobil aldığın zaman mütləq şəkildə bir qohumun çıxıb sənə kiçik də olsa, qaratikan kolu gətirir. İnanc var ki, bu kol insanı pis nəzərdən qoruyur.

Qaratikan Avropa xalq mifologiyasında möcüzəvi bir rola malikdir. Bu ot, müharibə tanrısı Aresin bacısı Erisin təcəssüm etdirdiyi düşmənçilik simvolu hesab olunur. Bütün əfsanələrdə sehrli xüsusiyyətlər qaratikan kolu ilə əlaqələndirilir. Qaratikan zərərli ruhlara qarşı talisman kimi istifadə edilir. Belə ki, o heç bir silahın vura bilmədiyi insanları öldürə bilər.

Qaratikan kolu, həm də müalicəvi xüsusiyyətləri ilə məşhurdur. Müalicə məqsədilə qaratikanın çiçəklərindən, qabıq və köklərinə qədər bütün hissələri istifadə olunur.

Qədim Romada qaratikan müharibə tanrısı Marsa həsr olunub. Qədim inanca görə, tikan ağacı cadugərləri və pis ruhları qovur. Buna görə də, bütün Avropada heyvanları zərər və xəstəliklərdən qorumaq üçün anbarın astanasına tikanlı budaqlar qoymaq adət idi. Şotlandiyada bu texnikadan Beltane gecəsi, İngiltərədə isə bütün müqəddəslər günü ərəfəsində inəklərdən süd əmməyə gələn cadugərləri qovmaq üçün istifadə olunurdu.

Eyni adət bütün Şərqi Avropada geniş yayılıb. Transilvaniya və Rumıniya sakinləri inək tövləsinin girişinə bütöv tikan kolları qoyurlar. Qərbi-mərkəzi İngiltərədə və Uels sərhədi boyunca yarpaqsız və demək olar ki, qara kollarda ağ çiçəklər açan qaratikan həm müqəddəs, həm də pis bitki hesab olunur.

Qaratikan motivi bibliya mifologiyasında məşhurdur. Əhdi-Ətiqdə Allah Musaya öz hüzurunu yanan tikanlı kolda bildirir: “Və o, gördü ki, tikanlı kol odda yanır, lakin kol sönmür... və Allah onu kolun arasından çağırdı”.

Tikanın tikanlılığı və geniş ərazilərdə keçilməz kolluqlara çevrilmə qabiliyyəti Adəmlə Həvvanın cənnətdən qovulması epizodunda vurğulanır: Allah yer üzünü lənətləyir və söz verir ki, "o, yalnız “sizin üçün tikan yetişdirəcək”…"

Xristian simvolizmində tikan tikanları ilk növbədə Məsihin tikan tacındakı əzabları ilə əlaqələndirilir. Qaratikan istənilən enerjini toplamaq və onu həyat enerjisinə çevirmək qabiliyyətinə malikdir. Yəni siz də sadəcə "qaratikandır" deyib keçməyin. Bir tikan kolunda olan enerjini, bəlkə də digər otlarda tapa bilməzsiniz.

İradə Cəlil, Bizimyol.info