Mümkün risklərin qarşısını almaq üçün bəzi əşyalar var ki, isti havada avtomobilinizdə qoymamalısınız. Bəs bunlar hansılardır?

Bizimyol.info "webtekno"ya istinadən xəbər verir ki, bu isti avqust günlərində maşınlarımız sözün əsl mənasında sobaya çevrilir.

Və unutduğunuz və ya avtomobildə qoyduğunuz bəzi əşyalar əslində böyük təhlükələrə səbəb ola bilər.

İsti havada avtomobildə qoymamağınız lazım olan əşyalar:

• Yemək və içkilər
• Elektron cihazlar
• Təzyiq qutuları
• Dərmanlar
• Plastik su qabları

Yemək və içkilər

Avtomobildə qalan yeməklər və içkilər yüksək temperaturdan xarab ola bilər və bakteriyaların böyüməsinə səbəb ola bilər.

Elektron cihazlar

Telefonlar, planşetlər, noutbuklar və digər elektron cihazlar həddindən artıq temperaturdan zədələnə bilər. Üstəlik, bu cür cihazların batareyaları da partlaya bilər.

Təzyiq qutuları

Havaların isti keçməsi dezodorant, saç spreyi, təmizlik məhsulları kimi məhsulların qutularının içərisində təzyiqin artmasına səbəb olur ki, bu da partlama riski yaradır.

Dərmanlar

Ən vacib məsələlərdən birinə gəldik. İstiliyə xüsusilə həssas olan dərmanlar pisləşə və təsirini itirə bilər.

Plastik su qablar

Plastik şüşələr yüksək temperaturlara məruz qaldıqda kimyəvi maddələr buraxa bilər. Suyun uzun müddət günəşə məruz qalması onun qoxusunun və dadının dəyişməsinə səbəb ola bilər.

Mümkünsə, avtomobilinizi və onun içindəkiləri istidən və günəşdən qorumaq üçün kölgədə saxlamağı və günəş kölgələrindən istifadə etməyi unutmayın. Digər tərəfdən, pəncərələri bir qədər açıq qoyaraq da hava axını yarada bilərsiniz (əgər avtomobiliniz təhlükəsiz yerdədirsə, əlbəttə).

Qadir, Bizimyol.info