Gəmilərin adlarının əvvəlində gördüyünüz "SS" abbreviaturasının sirrini bilirsinizmi? Bu kiçik, lakin vacib detal dəniz tarixinin dərinliklərinə açılan bir qapıdır.
Bizimyol.info "webtekno"ya istinadən xəbər verir ki, dənizlərdə üzən hər böyük gəminin adının əvvəlində bir sirr gizlənir. Məsələn, "SS Amerika Birləşmiş Ştatları", "SS Lusitania"...
Bəs, bu "SS" abbreviaturasının arxasında nə dayanır?
Niyə hər gəmiyə bu mötəbər hərflərlə verilir?
"SS" nədir və nə üçün istifadə olunur?
Gəmilərin adlarının əvvəlindəki "SS" buxar gəmisi mənasını verir. Bu abbreviatura 1800-1900-cü illərdə buxarla işləyən gəmiləri digərlərindən fərqləndirmək üçün istifadə edilib.
Buxar maşınlarının ixtirası sənaye inqilabına səbəb olan və gəmiçilikdə inqilab edən böyük bir yenilik idi. Buxar gücü sayəsində gəmilər küləyin şıltaqlığıma məhəl qoymadan okeanları daha təhlükəsiz və tez keçə bilirdilər.
"SS" abbreviaturasının ikinci "S" hərfi “Gəmi” deməkdir; Birinci "S" buxar gücü ilə bağlıdır
Buxar mühərrikləri istehsal proseslərini sürətləndirdi və xərcləri azaltdı, bu da dəniz nəqliyyatında inqilab etdi. Buxarla işləyən gəmilər yelkənli gəmilərdən daha sürətli və daha etibarlı oldu.
Ancaq əvvəlcə insanlar bu yeni texnologiyaya şübhə ilə yanaşırdılar. Əsrlər boyu küləklə idarə olunan gəmilər bacarıqlı və hörmətli nəqliyyat vasitələri sayılırdı. Buxar gəmiləri əvvəlcə qəribə və praktiki görünmürdü.
Zaman keçdikcə gəmi operatorları buxarla işləyən gəmilərini yelkənli gəmilərdən fərqləndirmək üçün "SS" abbreviaturasından istifadə etməyə başladılar. Lakin bu abbreviatura tək deyildi. Məsələn, "RMS" abbreviaturası "Royal Mail Ship" deməkdir.
"Titanik" kral poçtunu daşımaq üçün müqavilə qazandığı üçün "RMS Titanic" kimi də tanınır. Bundan əlavə, "USS" Amerika Birləşmiş Ştatları gəmisini ifadə edir və bu, həm də ABŞ Hərbi Dəniz Qüvvələrinə məxsus gəmilərə də aiddir.
Gəmilərin əvvəlindəki abbreviaturalar gəminin növü, onun milliyyəti və daşıdığı yük kimi vacib məlumatları tez başa düşməyə kömək edir.
Buxar gəmilərinin yelkənli gəmilərdən fərqləndiyini bildirmək üçün "SS" kimi abbreviaturalardan istifadə edilirdi. Lakin zaman keçdikcə bu abbreviaturalar mürəkkəbləşmiş və müxtəlif mənalar qazanıb.
Qadir, Bizimyol.info
