Sinqapur küçələrində zibil görmək demək olar ki, mümkün deyil.

• Bəs bu kiçik ada ölkəsi zibil problemini necə bu qədər effektiv həll etdi?

• Sinqapurda zibilin böyük problem olduğunu bilirdinizmi?

Bizimyol.info "webtekno"ya istinadən xəbər verir ki, onlar özləri zibillə mübarizənin çox məntiqli yolunu tapıblar.

Sinqapurda zibil əvvəlcə yığılıb yandırma zavoduna aparılır.

Burada zibil 1000 dərəcədən yuxarı temperaturda yandırılır və demək olar ki, hamısı külə çevrilir. Daha sonra küllər okean suları ilə qarışmayan su hövzəsinə daşınır.

Bu üsulla Sinqapurda “zibil adası” kimi tanınan bir ada yaradılıb. Zibil adası dedikdə ağlınıza dərhal üfunətli bir yer gəlməsin, çünki ada çox təmizdir! Onun üzərində hətta ağaclar və bitkilər də böyüyə bilər.

Yeganə çatışmazlıqlar zərərli qazlar və qalan küldür

Lakin Sinqapur bu problemləri də həll edə bilib. Filtrləmə sistemləri sayəsində hava çox təmiz qalır və kül təhlükəsiz şəkildə saxlanılır. Bundan əlavə, yanma prosesi zamanı ayrılan istilik minlərlə evi enerji ilə təmin edən elektrik enerjisi istehsal etmək üçün istifadə olunur.

Sinqapurun zibil idarəetmə strategiyası dünya üçün mühüm nümunədir. Ətraf mühitə təsirləri minimuma endirməklə tullantıları qənaətlə idarə etmək mümkündür. Yandırma və filtrasiya gələcəkdə artan zibil miqdarının effektiv həlli ola bilər.

Qadir, Bizimyol.info