Fransa prezidenti Emmanuel Makron tərəfindən təyin edilən Türkiyənin yeni səfiri İzabel Dümont bu həftə Ankarada vəzifəsinə başlayacaq. Dumont son üç ildə Makronun Avropa və Türkiyə ilə əlaqələrdən məsul müşaviri vəzifəsində çalışıb.

Bizimyol.info xəbər verir ki, Prezident Rəcəb Tayyib Ərdoğanın Aİ ilə münasibətlərdə yeni səhifə açmaq niyyəti Ankaranın həm Brüssel, həm də Paris və Berlin kimi Avropa İttifaqının aparıcı paytaxtları ilə daha gərgin prosesə başlayacağına işarə kimi qiymətləndirilir.

Bu kritik dövrdə Fransa prezidenti Makron 2020-ci ildən Yelisey Sarayında Avropa və Türkiyə üzrə məsul müşavir vəzifəsində çalışan İzabel Dümontu Ankarada səlahiyyət müddəti may ayında başa çatan Herve Maqronun yerinə Türkiyəyə səfir vəzifəsinə təyin edib.

Dumont bu həftə Ankaraya gələcək və etimadnaməni prezident Ərdoğana təqdim etdikdən sonra rəsmi vəzifəsinin icrasına başlayacaq.

Dumont Türkiyədə yad xarici diplomat deyil. 2011-2013-cü illərdə Ankara səfirliyində çalışan Dumont türkcəni yaxşı bilir. Fransa xarici işlərinin parlaq diplomatlarından biri kimi göstərilən Dümont 500 illik Türkiyə-Fransa diplomatik münasibətləri tarixinə bir tərəfin digərinin paytaxtına təyin etdiyi ilk qadın səfir kimi düşüb.

Ankaradakı ilk təyinatından sonra Parisə qayıdan və Xarici İşlər Nazirliyində Rusiya və Şərqi Avropa üzrə direktor müavini vəzifəsində çalışan Dumont 2015-ci ildə Ukraynaya, 2019-cu ildə isə Kiprə səfir təyin edilib.

Qeyd edək ki, son illər Türkiyə ilə Fransa arasındakı münasibətlər çox da rəvan deyil.

Qadir, Bizimyol.info