Türkiyə  Kommunikasiya Naziri  Fahrettin Altun beynəlxalq sülh və təhlükəsizliyin daha təsirli şəkildə qorunması üçün yeni bir Birləşmiş Millətlər Təşkilatının (BMT) dizayn edilməsi lazım olduğunu ifadə edərək bildirib ki,  Türkiyənin bu istiqamətdə təklifi bütün ölkələrin müzakirəsinə açıqdır.

Bizimyol.info Anadolu agentliyinə istinadla xəbər verir ki, bu barədə Altun Parisdə Kommunikasiyalar Direktorluğu tərəfindən təşkil edilən “BMT Təhlükəsizlik Şurası İslahatı: Beynəlxalq Sifariş Panelinin Yenidən qurulmasına Yeni Bir yanaşma” mövzusunda videomüraciətlə iştirakçılara müraciət edib.

Altun mesajında BMT-nin İkinci Dünya Müharibəsindən sonra dünyada bu cür dağıdıcı müharibələrin təkrarlanmaması üçün 1945-ci ildə, o cümlədən Türkiyə də daxil olmaqla 51 ölkənin qurucu üzvü tərəfindən yaradıldığını xatırladıb.

Fahrettin Altun

O həmçinin bildiirb ki, təşkilatın əsas məqsədi  beynəlxalq sülh və təhlükəsizliyi təmin etmək və qorumaqdır.

193 üzvü olan BMT-nin yarandığı gündən bu yana dünyada sülh və sabitliyə mühüm töhfələr verdiyini, uzun illər müxtəlif coğrafiyalarda sabitləşdirici güc olduğunu bildirən Altun bu məsələdə konkret həll yolları inkişaf etdirə bilmədiyini də dilə gətirib.

“Keçmişdə Bosniya və Herseqovina, Ruanda, Suriya və Kosovoda baş verən insan faciəsinin qarşısını almaqda aciz qalan təşkilat, son zamanlar Rusiyanın Ukraynaya hücumları zamanı da buna bənzər çarəsizlik nümunəsi nümayiş etdirdi”,- deyə Altun bildirib.

Altun qeyd edib ki, təşkilatın dünya sülhünü və sabitliyini təhdid edən hadisələr qarşısında effektiv və ardıcıl rol oynamaması beynəlxalq ictimaiyyət qarşısında onun etibarını və nüfuzunu da azaldır.

"BMT hazırkı strukturu ilə qlobal problemlərə həll yolu deyil. Artıq təşkilat dalana dirənir. Biz müharibə edən tərəflərdən birinin və ya böhranlı tərəflərdən birinin BMT-yə daimi üzvlüyünün necə maneə törətdiyini görmüşük. BMT indiki strukturu ilə təqibçiyə qarşı çıxış edə bilmir. Bunun əsas səbəbi təşkilatın strukturunda olan problemlərdir. Bu bir faktdır ki, Asiya, Latın Amerikası və Afrika ölkələri açıq şəkildə BMT Təhlükəsizlik Şurasında təmsilçilikdən kənarlaşdırılıb.

BMT Təhlükəsizlik Şurasının bu ədalətsiz və qeyri-şəffaf strukturu dəyişməlidir. Bu məqamda möhtərəm Prezidentimizin “Dünya beşdən böyükdür” çağırışı zülmə, haqsızlığa, ədalətsizliyə qarşı kəskin etirazdır. 5 ölkənin qurduğu dünya sisteminə, qlobal ədalətsizliklərə etirazdır”,- deyə Altun qeyd edib.

İlahin, Bizimyol.info