Türkiyənin müxalifət partiyalarında vəziyyət mürəkkəbləşib. Qarşıdan gələn prezident seçkilərində hazırkı lider Rəcəb Tayyib Ərdoğanla rəqabət aparmaq üçün onların hamısını təmsil edə biləcək vahid namizədin olmaması müxalifətin şanslarını zəiflədir.
Bizimyol.info xəbər verir ki, bu barədə məqalə Rusiya mətbuatında yer alıb. Politoloq və Yaxın Şərq üzrə ekspert Dmitri Bric müsahibəsində Ərdoğanın seçkilərdəki potensial rəqibləri barədə danışıb. O qeyd edib ki, ənənəvi müxalifət, yəni Cümhuriyyət Xalq Partiyası (CHP) və müxalifət ittifaqı və ya indi deyildiyi kimi “altılıq qrupu” üçün bu seçkidə iki mümkün yol var. Bricin fikrincə, müxalif partiyaları dəstəklədiyi konsensus namizədini təqdim etməli və ya əvvəllər də olduğu kimi bir neçə namizədlə seçkiyə getməlidir.
Politoloq həmçinin bildirib ki, müxalifətin seçkiləri uduzmasının səbəbi həmişə ikinci variantı seçmələri olub. Onun sözlərinə görə, seçkidə razılaşdırılmış müxalifət namizədinin təklif edilməsi məntiqli seçim kimi görünür. Şünki onun qalib gəlmə şansı çox olur.
Buna baxmayaraq, politoloq vurğulayıb ki, bu məsələdə konsensusa nail olmaq olduqca çətindir.
“Altı müxalif partiyanı əsasən parlament sisteminə qayıdış ideyası birləşdirir. Buna görə də onlar arasında bir-birinə etimad yaranmır, ideoloji uçurum aradan qalxmır. Bu səbəbdən də düşünürəm ki, 6 partiyanın konsensus namizədi olmayacaq. Və əgər dəyişiklik olarsa, bu, bütün müxalifətin deyil, partiyalardan birinin qələbəsi demək olacaq”,- deyə o əlavə edib.
Politoloq bildirir ki, razılaşdırılmış yeganə namizədin olmaması seçkilərdə Ərdoğanla çox sayda namizdəin mübarizə aparması deməkdir. Yeni və kiçik partiyalar da öz namizədlərini irəli sürməkdə maraqlıdırlar, çünki bu, onların parlament seçkilərində şanslarını artırır.
CHP və “altılıq” Ərdoğanın yeganə rəqibi deyil. Bəzi digər partiyalar isə əsas müxalifət partiyalarını birləşdirən altıpartiyalı struktura daxil deyillər və seçkilərə qədər onların bu quruma qoşulması ehtimalı azdır. Ona görə də çox güman ki, hər kəs öz partiyasından namizədlərini irəli sürəcək. Bu partiyaların başında Konstitusiya Məhkəməsində ona qarşı açılan iddiaya görə fəaliyyəti qadağan olunmaq təhlükəsi ilə üzləşən Xalqların Demokratik Partiyası (HPD) və Məhərrəm İncənin rəhbərlik etdiyi partiya var”,- deyə ekspert əlavə edib.
Politoloq hesab edir ki, Türkiyənin keçmiş baş naziri Necmettin Erbakanın oğlu Fatih Erbakanın rəhbərlik etdiyi Yenidən Rəfah Partiyasının müəyyən səs toplamaq şansı var. Lakin o, Ərdoğanın partiyası ilə eyni gündəmi təbliğ etdiyi üçün güclü rəqib deyil.
“Onun həmçinin Suriya münaqişəsinin həlli və İranla yaxınlaşması təşəbbüsü var. Yenidən Refah Partiyası da İslam dünyasının birləşməsi, türk xalqlarının və ölkələrinin birləşməsi mövzusunu qaldırıb. Seçkilərdə bununla həm millətçilərə, həm də islamçılara təsir edəcəklər ki, bu da onlara müəyyən səs toplamaq imkanı verəcək, lakin bu istiqamətdən indi həm Türkiyənin Milliyyətçi Hərəkat Partiyası, həm də Ərdoğanın partiyası istifadə edir”,- deyə politoloq izah edib.
O vurğulayıb ki, beş partiyanın respublikaçı Kamal Kılıçdaroğlunun namizəd olmaq istəyini dəstəklədiyi məlumdur və bir çox müttəfiqlər onun qalib gəlmə şansının olduğuna inanır.
“Bundan əlavə, gələcəyin partiyasının başqanı Əhməd Davudoğlu prezidentliyə namizədliyini irəli sürmək niyyətini açıqlayıb.
“Demokratiya və Tərəqqi Partiyası “6 nəfərlik masaya sadiq qalaraq” fərdi qaydada və öz adı və şüarı ilə seçkilərə qatılacağını bəyan edib. “İyi Parti”nin rəhbəri Meral Akşenerin razılaşdırılmış namizəd kimi və ya öz partiyası adından namizəd ola biləcəyi barədə də danışılır”,- deyə ekspert bildirib.
Politoloq əmindir ki, prezident seçkiləri ikinci tur tələb edəcək. Bu partiya liderlərini, xüsusən də böyük partiyaları hamının səsini toplamaq üçün ikinci turda Ərdoğanla rəqabət aparacaq namizəd olmağa sövq edir.
İlahin, Bizimyol.info
