Yanvarın 17-də Hindistanda Sadar xəstəxanasında yeni döğulan körpə bütün ölkədə böyük rezonansa səbəb olub. Dörd qolu və dörd ayağı ilə dünyaya gələn körpə bir anda məşhurlaşıb.

Bizimyol.info xəbər verir ki, ölkə mətbuatının məlumtına görə, cinsiyyəti hələ açıqlanmayan körpənin dünyaya gəlməsini yerli əhali dini səbəblərlə əlaqələndirir.

Doğuşdan sonra körpəni müayinə edən həkimlər hamiləlik zamanı yaranan fəsadların körpənin dörd qol və dörd ayaqla dünyaya gəlməsinə səbəb olduğunu bildiriblər.

Hindistanlılar isə uşağın doğulmasını ilahi səbəblə əlaqələndirirlər. Körpənin Tanrı Qaneşanın ruhunu daşıdığına inanan hindular, uşağın ilahi bir varlıq olduğunu da düşünürlər.

Körpənin doğulduğu Sədar xəstəxanası qısa zamanda ziyarətçilərlə dolub. Bir çox insanlar özləri ilə gətirdikləri hədiyyələri körpəyə həsr edərək, ailəsinə çatdırıblar. Dörd qolu və dörd ayağı olan körpəyə dünya mətbuatı da böyük maraq göstərib.

Bizimyol.info