Rusiya prezidenti Vladimir Putin və türkiyəli həmkarı Rəcəb Tayyib Ərdoğan Soçidə danışıqlara başlayıblar.
Bizimyol.info xəbər verir ki, bu barədə Rusiya dövlət başçısının mətbuat katibi Dmitri Peskov TASS -a bildirib.
"Bəli, danışıqlar başlayıb", -deyə mətbuat katibi görüşün baş tutduğunu təsdiqləyib.
Daha əvvəl Türkiyə Prezident Aparatı danışıqların başlaması barədə məlumat vermişdi.
Liderlərin Suriya, Liviya, Əfqanıstan və Qafqazdakı vəziyyətin inkişafı da daxil olmaqla aktual beynəlxalq problemləri müzakirə edəcəyi gözlənilir. Siyasi, ticarət və iqtisadi sahələrdə Rusiya-Türkiyə tərəfdaşlığının müxtəlif məsələlərinə toxunulması da planlaşdırılır. Ərdoğan avqust ayında Rusiya Federasiyasına qarşıdakı səfəri zamanı ikinci S-400 zenit-raket komplekslərinin alınmasının detallarını müzakirə etmək niyyətində olduğunu söylədi.
