Almaniyanın keçmiş kansleri Angela Merkel (2005–2021) ABŞ Prezidenti Donald Trampla mürəkkəb münasibətlərdə uyğun məqamlar tapmağın vacib olduğunu, digər hallarda isə “özünü qorxmadan və tərəddüdsüz mövqedə təqdim etmək” lazım olduğunu bildirib.

Bizimyol.info xəbər verir ki, bunu Merkel "Focus" jurnalına verdiyi müsahibədə deyib.

"Xüsusilə xoş görünməyə çalışmaq lazım deyil – mən bunu heç vaxt illüziya kimi görməmişəm, yaxşı vaxtlarda belə. Amma eyni zamanda həddindən artıq təxribatçı da olmamalısan. Bu prinsipə həmişə riayət etmişəm", - deyə keçmiş kansler qeyd eddib.

O, eyni zamanda ABŞ liderini heç vaxt kiçiltməməyin vacib olduğunu vurğulayıb: "Belə bir posta gələn şəxs inanılmaz dərəcədə gücə malikdir. Ona görə də bu məsələni çox ciddi qəbul etmək lazımdır", - deyə bildirib.

Qeyd edək ki, əvvəlki müsahibəsində Tramp NATO-dan narazılığını bildirmiş və ABŞ-ın alyansdan çıxma ehtimalını nəzərdən keçirdiyini açıqlamışdı. Britaniyanın "The Daily Telegraph" qəzetinə verdiyi müsahibədə o, alyansın Vaşinqtonu İranla müharibədə dəstəkləmədiyini və NATO-nu “kağız pələngi” adlandırdığını söyləmişdi.

Bizimyol.info