ABŞ prezidenti Donald Tramp bildirib ki, ABŞ Hind okeanında ələ keçirilən İran tankerlərindən neftin böyük hissəsini götürüb.

Bizimyol.info xəbər verir ki, Tramp "Salem News" telekanalına verdiyi müsahibədə bildirib.

“Onun böyük hissəsi Birləşmiş Ştatlara çatır”, - deyə qeyd edib.

1 may tarixində Florida ştatının Vest-Palm-Biç şəhərində Forum klubunun üzvləri qarşısında çıxış edən Tramp etiraf edib ki, ABŞ hərbçiləri İran nefti daşıyan tankerleri ələ keçirərkən piratlar kimi davranırlar.

Əvvəllər İranın BMT-dəki daimi nümayəndəsi Amir Said İravanı Təhlükəsizlik Şurasına göndərdiyi məktubda ABŞ-ın "Majestic" və "Tifani" adlı iki İran ticarət gəmisini ələ keçirdiyini və 3,8 milyon barrel İran neftini oğurladığını bildirib. Tehranın rəsmi açıqlamasında bu hərəkətlər “BMT Nizamnaməsinin kobud pozuntusu” kimi qiymətləndirilib və Təhlükəsizlik Şurasından tədbir görməsi tələb olunub. İran həmçinin beynəlxalq hüquqa əsaslanaraq “bu cəsarətli hərəkətlərə qarşı durmaq” hüququna sahib olduğunu vurğulayıb.

Bizimyol.info