İran silahlı qüvvələri ABŞ-ın Birləşmiş Ərəb Əmirliklərindəki Əl-Dafra bazası və Şərqdəki 5-ci donanmasına qarşı həyata keçirilən hücumlarda ABŞ ordusunun ciddi itkilər verdiyini açıqlayıb.

Bizimyol.info xəbər verir ki, bu barədə məlumatı İran Silahlı Qüvvələrinin Mərkəzi Qərargahı “Xatam əl-Ənbiya” yayıb.

“Son 24 saat ərzində regiondakı ABŞ bazalarına qarşı aparılan güclü hücumlar nəticəsində düşmən ordusunun bir çox əsgəri və komandirləri öldürülüb və yaralanıb, həmçinin infrastruktur və resurslara ciddi ziyan dəyib”, - deyə İranın dövlət televiziyası və radiosu tərəfindən yayılan açıqlamada bildirilir.

Açıqlamaya görə, 5-ci donanmaya edilən hücum nəticəsində 21 nəfər həlak olub, Əl-Dafra bazasında isə təxminən 200 ABŞ hərbçisi ölüb və yaralanıb.

Analitiklər bu hücumları regiondakı geosiyasi gərginliyin daha da artmasının əlaməti kimi qiymətləndirirlər. Məlumatlar beynəlxalq ictimaiyyətin diqqətini Orta Şərqdəki hərbi eskalasiyaya yönəldir və bu ABŞ-ın regiondakı strategiyasını yenidən nəzərdən keçirməsinə səbəb ola bilər.

Hücumlar, həmçinin ABŞ-İran münasibətlərində uzun müddət davam edən gərginliyin və silahlı qarşıdurmanın davam etdiyini bir daha nümayiş etdirir. Hücumların miqyası və itkilərin sayı dünya mediası və beynəlxalq analitiklər tərəfindən ciddi şəkildə izlənilir.

Qadir, Bizimyol.info