ABŞ Dövlət Departamenti standart Konqres baxış prosesindən yayınaraq İsrailə potensial 151,8 milyon dollarlıq hərbi texnika satışını təsdiqləyib.

Bizimyol.info xəbər verir ki, bu barədə rəsmi açıqlamada qeyd edilib.

Bu satış İsrail silahlı qüvvələri üçün sursat və əlaqəli ləvazimatların tədarükünə aiddir. Xüsusilə, İsrail hər biri təxminən 1000 funt (təxminən 454 kq) ağırlığında olan 12.000 "BLU-110A/B" ümumi təyinatlı hava bombasının alınmasını istəyib.

ABŞ Dövlət Katibi Marko Rubionun qeyd edib ki, qərar fövqəladə hallarda qəbul edilib ki, bu da müqavilənin təsdiqlənməsi prosesinin sürətləndirilməsinə imkan verib və ənənəvi Konqres baxış prosesini aradan qaldırıb. O, İsrailin təhlükəsizliyini dəstəkləmək üçün təcili silah təhvilinin zəruri olduğunu bildirib.

ABŞ qanunlarına görə, Dövlət Katibi rəsmi olaraq təcili tədbir tələb edən fövqəladə vəziyyət elan edərsə, administrasiya müttəfiqlərə silah satarkən Konqresi kənara qoya bilər.

Sazişin elan edilməsi İranla bağlı davam edən münaqişə və Yaxın Şərqdə artan gərginlik fonunda baş verib. Vaşinqton və Təl-Əviv təhlükəsizlik səylərini əlaqələndirməyə davam edir və ABŞ İsrailin əsas silah təchizatçısı olaraq qalır.

Qadir, Bizimyol.info