ABŞ prezidenti Donald Tramp Kanadanın ABŞ-da yerləşən "Gulfstream Aerospace" şirkəti tərəfindən istehsal olunan təyyarələri sertifikatlaşdırmaqdan imtina etməsi səbəbindən Kanada istehsalı olan bütün təyyarələr üçün ABŞ sertifikatını ləğv etdiyini elan edib və ABŞ-a satılan bütün təyyarələrə 50% tarif tətbiq olunacağı barədə xəbərdarlıq edib.

Bizimyol.info xəbər verir ki, sosial media hesabında verdiyi açıqlamada Tramp Kanadanın "Gulfstream 500", 600, 700 və 800 təyyarələrini sertifikatlaşdırmaqdan imtina etməsinə reaksiya verib.

"Kanadanın indiyə qədər edilməli olduğu kimi, ədalətsiz, qanunsuz və qətiyyətlə "Gulfstream 500", 600, 700 və 800 təyyarələrini sertifikatlaşdırmaqdan imtina etdiyinə əsaslanaraq, "Bombardier Global Express" və bütün Kanada istehsalı olan təyyarələrin "Gulfstream" tam sertifikatlaşdırılana qədər sertifikatsız qalmasını nəzərdən keçiririk. "Gulfstream" əla ABŞ şirkətidir və illər əvvəl sertifikatlaşdırılmalı idi", - deyə ABŞ Prezidenti Tramp bildirib.

Kanadanın sertifikatlaşdırma prosesi vasitəsilə "Gulfstream" məhsullarının satışını faktiki olaraq blokladığını iddia edən Tramp: "Əgər bu, hər hansı bir səbəbdən dərhal düzəldilməsə, Kanadadan ABŞ-a satılan bütün təyyarələrə 50 faizlik tarif tətbiq edəcəyəm", - deyib.

Qadir, Bizimyol.info