Şimali Kipr Türk Cümhuriyyəti (ŞKTC) ilə Türkiyə Cümhuriyyəti arasında “Fiber Konversiya Protokolu” imzalanıb.

Bizimyol.info xəbər verir ki, Baş nazir Ünal Üstel və Türkiyə vitse-prezidenti Cevdet Yılmaz lazımi infrastrukturun çatdırılması üçün həyata keçiriləcək layihənin protokolunu imzalayıb. Protokol prezident Ersin Tatarın iştirakı ilə imzalanıb.

Lefkoşa Konkord Qülləsində keçirilən imza mərasimində prezident Ersin Tatar, Türkiyənin vitse-prezidenti Cevdet Yılmaz, baş nazir Ünal Üstel, Türkiyənin Lefkoşadakı səfiri Ali Murat Başçeri, Türk Telekomun baş direktoru Ümit Önal, nazirlər, millət vəkilləri, sənaye nümayəndələri və dəvət olunmuş qonaqlar iştirak ediblər.

İmzalanma mərasimində prezident Ersin Tatar, Türkiyə vitse-prezidenti Cevdet Yılmaz, Baş nazir Ünal Üstel və Türk Telekomun baş direktoru Ümit Önal çıxış ediblər.

100 milyon dollardan çox sərmayə qoyuluşu və qur-işlət-təhvil modeli ilə həyata keçiriləcək layihənin 12 aya tamamlanması gözlənilir.