Azərbaycanın paytaxtı Bakıda Türk Dövlətləri Təşkilatına (TDT) üzv ölkələrin daxili işlər nazirlərinin 2-ci toplantısı keçirilib.

Azərbaycanın daxili işlər naziri Vilayət Eyvazovun ev sahibliyi etdiyi görüşdə Özbəkistanın daxili işlər naziri Əziz Taşpolatov, Qazaxıstanın daxili işlər naziri Erjan Sadenov, Qırğızıstanın daxili işlər naziri Ulan Niyazbekov, Şimali Kipr Türk Cümhuriyyətinin daxili işlər naziri Dursun Oğuz, Macarıstanın daxili işlər nazirinin müavini Bence Retvari və TDT-nin baş katibi səfir Kubanıçbek Ömürəliyev iştirak ediblər.