Hərbçiləri kartoqrafik və peyk kəşfiyyatı məlumatları ilə təmin edən ABŞ Milli Geoməkan-Kəşfiyyat Agentliyi (NGA) bu il süni intellekt (AI) texnologiyalarının tətbiqi üzrə genişmiqyaslı proqram həyata keçirməyi planlaşdırır ki, bu da öz süni intellekt modellərinin yaradılması, zəruri infrastrukturun alınması və ixtisaslaşdırılmış bölmələrin təşkili deməkdir.

Bizimyol.info xəbər verir ki, bu barədə NGA direktoru vitse-admiral Frenk Uitvort Amerikanın "Defense News" portalına müsahiəsində deyib.

"Biz süni intellekt modellərimizin işləməsi üçün lazımi hesablama gücünü təmin etməliyik və onların köməyi ilə müvafiq nəticələr çıxara bilərik", - deyə Uitvort qeyd edib.

Agentliyin işi əsasən süni intellekt modelləri üçün kəşfiyyat materiallarına çevrilmək üçün peyklərdən, radarlardan, aerofotoqrafiyadan və digər mənbələrdən əldə edilən böyük həcmli məlumatların təhlili ilə məhdudlaşır. Süni intellekt texnologiyalarını iş proseslərinə inteqrasiya etməklə NGA-nın yenidən təşkili xeyli vəsait tələb edəcək, lakin Uitvort Pentaqondan pul ayrılacağına əmindir. Onun sözlərinə görə, süni intellekt olmadan NGA xarici rəqiblərindən geri qalacaq.

Uitvort həmçinin ABŞ-da hökumət səviyyəsində süni intellekt texnologiyalarının dövlət qurumlarında tətbiqinin standartlaşdırılması və bununla bağlı risklərin qiymətləndirilməsi, habelə federal strukturlarda süni intellektlə işin optimallaşdırılması ilə məşğul olacaq ixtisaslaşmış qurumun yaradılmasına cəhd etmək niyyətindədir.

Qadir, Bizimyol.info